1 Jılnama 5 bob
1 zraildın' tun'g'ısh ulı Rubennin' ulları. Ruben İzraildın' tun'g'ısh ulı edi. Biraq ol a'kesinin' to'segin haramlag'anı ushın, tun'g'ıshlıq huqıqı İzraildın' ulı Yusuptin' ullarına berildi. Sol sebepli Ruben shejirede tun'g'ısh ul sıpatında dizimge alınbag'an.
2 Yahuda tuwısqanları ishinde en' ku'shlisi bolıp, hu'kimdar onın' urpag'ınan shıqsa da, tun'g'ıshlıq huqıqı Yusupke tiyisli boldı.
3 zraildın' birinshi ulı Rubennin' ulları: Xanox, Pallu, Xesron ha'm Karmiy.
4 İoeldin' urpag'ı: İoeldin' ulı Shemaya, Shemayanın' ulı Gog, Gogtın' ulı Shimey,
5 Shimeydin' ulı Mixa, Mixanın' ulı Reaya, Reayanın' ulı Baal ha'm
6 Baaldın' ulı Beera. Assiriya patshası Tilgat-Pilneser* Beeranı su'rgin qılıp alıp ketkende, ol Ruben urıwının' ko'semi edi.
7 Beeranın' ag'ayinleri shejirede tiyreleri boyınsha bılay dizimge alıng'an: jetekshi Eiel, Zexariya
8 ha'm Bela. Bela Azazdın' ulı, Shemanın' aqlıg'ı ha'm İoeldin' shawlıg'ı edi. Olar Aroerden baslap Nebo menen Baal-Meong'a deyin sozılg'an jerlerde jasadı.
9 Olardın' Gilad jerindegi padaları ko'beyip ketkenlikten, shıg'ıs ta'reptegi Evfrat da'ryasına qaray sozılg'an sho'lge deyingi jerlerdi iyelep aldı.
10 Shauldın' patshalıq qılg'an da'wirinde, Ruben urpag'ı Ajar urpag'ına qarsı urıs ashtı. Olardı jen'ip, Giladtın' shıg'ıs ta'repindegi olarg'a tiyisli barlıq jerlerdi iyelep aldı.
11 Gad urıwı Ruben urıwına qon'sılas Bashan aymag'ında Salkag'a deyin sozılg'an jerlerde jasadı.
12 Bashan jerinde İoel basshı edi, Shafam ekinshi da'rejeli basshı, Yanay ha'm Shafat olardan keyingiler edi.
13 Olardın' ag'ayinleri, basqa jeti tiyrenin' basshıları mınalar: Mixail, Meshullam, Sheba, İoray, Yakan, Zia ha'm Eber.
14 Bular Abixayıldın' ulları bolıp, Abixayıl Xuriydin', Xuriy Yaroaxtın', Yaroax Giladtın', Gilad Mixaildin', Mixail Eshishaydın', Eshishay Yaxdonın', Yaxdo Buzdın' ulı edi.
15 Guniydin' aqlıg'ı, Abdieldin' ulı Axiy usı tiyrelerdin' basshısı edi.
16 Gadlılar Giladta, Bashanda, olarg'a tiyisli awıllarda ha'm Sharonnın' barlıq jaylawlarının' shegaralarına deyingi jerlerde jasadı.
17 Bulardın' ha'mmesi Yahuda patshası İotamnın' ha'm İzrail patshası Yarobamnın' patshalıq etken da'wirinde shejirege kirgizilgen.
18 Ruben ha'm Gad urıwları menen Menashshe urıwının' yarımında urısqa jaramlı qırıq to'rt mın' jeti ju'z alpıs adam bar edi. Olardın' ha'mmesi qalqan ha'm qılısh uslap, oq jay tartıp, urısa alatug'ın batırlar edi.
19 Olar Ajar urpaqlarına, Etur, Nafish ha'm Nodab qa'wimlerine qarsı urıs alıp bardı.
20 Olardı jen'iwde Ruben, Gad urıwları menen Menashshe urıwının' yarımına ja'rdem berildi ha'm Quday Ajar urpaqları menen onın' awqamlasların olarg'a ta'slim etti. Sebebi olar urısıp atırıp, dawıslap Qudaydı shaqırg'an edi. Quday da olardın' duwasına juwap berdi, o'ytkeni olar Og'an u'mit baylag'an edi.
21 1Olar Ajar urpaqlarının' malların: eliw mın' tu'ye, eki ju'z eliw mın' qoy, eki mın' eshekti olja qılıp, ju'z mın' adamdı tutqıng'a aldı.
22 Olarg'a qarsı Qudaydın' O'zi urısqanlıg'ı sebepli, dushpanlardın' ko'pshiligi sawashta qırılıp ketti. Ruben ha'm Gad urıwları menen Menashshe urıwının' yarımı su'rginge deyin sol jerlerde jasadı.
23 Menashshe urıwının' yarımı ko'p sanlı edi. Olar Bashannan BaalXermong'a, Senir ha'm Xermon tawına deyin sozılg'an jerlerde jasadı.
24 Olardın' a'wlad basshıları mınalar: Efer, İshiy, Eliel, Azriel, Eremiya, Hodawiya ha'm Yaxdiel. Bular ma'rt jawıngerler, abıraylı erler ha'm a'wlad basshıları edi.
25 Degen menen, olar ata-babalarının' Qudayına opasızlıq etti. Qudayg'a qıyanet etip, o'zlerinin' aldında qırıp jiberilgen sol ellerdin' xalıqlarının' butlarına tabındı.
26 ol sebepli İzraildın' Qudayı Assiriya patshası Puldı, yag'nıy Tilgat-Pilneserdi ha'reketke keltirdi. Assiriya patshası Ruben ha'm Gad urıwları menen Menashshe urıwının' yarımın jen'ip, olardı tutqıng'a aldı. Olardı Xalaxqa, Xaborg'a, Harag'a ha'm Gozan da'ryasının' boyına su'rgin qıldı. Olar bu'gin de sol jerlerde jasap kelmekte.
