2 Jılnama 3 bob
1 Sulayman Erusalimdegi Moriya tawında, ebuslı Ornannın' qırman jerinde İbadatxana qurılısın basladı. Bul jerdi a'kesi Dawıt aldın ala tayarlap qoyg'an bolıp, ol jerde Jaratqan İye Dawıtqa ko'ringen edi.
2 Sulayman qurılıstı o'z patshalıg'ının' to'rtinshi jılının' ekinshi ayının' ekinshi ku'ni basladı.
3 Qudaydın' İbadatxanasının' irgetasının' o'lshemi eski o'lshem birligi boyınsha mınaday boldı: uzınlıg'ı alpıs shıg'anaq, eni jigirma shıg'anaq edi.
4 İbadatxana imaratının' aldıng'ı jag'ındag'ı aywannın' uzınlıg'ı İbadatxana imaratının' enindey, yag'nıy jigirma shıg'anaq, biyikligi bir ju'z jigirma shıg'anaq edi. Sulayman İbadatxananın' ishin sap altın menen qaplattı.
5 İbadatxana imaratının' aldıng'ı jag'ındag'ı aywannın' uzınlıg'ı İbadatxana imaratının' enindey, yag'nıy jigirma shıg'anaq, biyikligi bir ju'z jigirma shıg'anaq edi. Sulayman İbadatxananın' ishin sap altın menen qaplattı.
6 Ol İbadatxananı qımbatbaha taslar menen a'sheko'yletti. Ol qollang'an altın Parwayım jerinen alıp kelingen edi.
7 Sulayman İbadatxananın' to'besindegi o'relerdi, qapının' do'gerek ag'ashın, diywalların ha'm qapıların altın menen qaplatıp, diywallarg'a kerublardın' su'wretlerin oyıp saldırdı.
8 Ol En' muxaddes bo'lmeni de qurdırdı. Onın' uzınlıg'ı da jigirma shıg'anaq, eni de jigirma shıg'anaq bolıp, İbadatxananın' eni menen birdey o'lshemde edi. Sulayman bul bo'lmenin' ishin altı ju'z talant jaqsı altın menen qaplattı.
9 Ol En' muxaddes bo'lmeni de qurdırdı. Onın' uzınlıg'ı da jigirma shıg'anaq, eni de jigirma shıg'anaq bolıp, İbadatxananın' eni menen birdey o'lshemde edi. Sulayman bul bo'lmenin' ishin altı ju'z talant jaqsı altın menen qaplattı.
10 En' muxaddes bo'lme ushın eki kerubtın' mu'sinin isletip, olardı altın menen qaplattı.
11 Kerublardın' qanatlarının' ulıwma uzınlıg'ı jigirma shıg'anaq edi. Bir kerubtın' bir qanatı bes shıg'anaq bolıp, ol İbadatxananın' bir diywalına tiyip turdı, al ekinshi qanatı da bes shıg'anaq bolıp, ol ekinshi kerubtın' qanatına tiyip turdı.
12 Sol sıyaqlı, ekinshi kerubtın' da bir qanatının' uzınlıg'ı bes shıg'anaq bolıp, ol İbadatxananın' ekinshi diywalına tiyip turdı, al ekinshi qanatı da bes shıg'anaq bolıp, ol birinshi kerubtın' qanatına tiyip turdı.
13 Kerublardın' jayılg'an qanatlarının' uzınlıg'ı jigirma shıg'anaq boldı. Eki kerub ta tik ayaqta turg'an qa'lipte islenip, ju'zleri u'lken bo'lmege qarap turdı.
14 Sulayman qızg'ısh ko'k, shım qızıl, qırmızı jiplerden ha'm jin'ishke hasıl zıg'ır jiplerden tawar toqıttı ha'm olardın' betine kerublardın' su'wretlerin kesteletip, shımıldıq isletti.
15 Sulayman eki o're isletip, olardı İbadatxananın' aldına qoydırdı. Ha'r bir o'renin' biyikligi otız bes shıg'anaq, al olardın' u'stindegi to'beliginin' ha'r birinin' biyikligi bes shıg'anaq edi.
16 Ol halqa sıyaqlı oralıp turatug'ın shınjırlar isletip, olar menen o'renin' joqarısın bezedi. Ja'ne, ol ju'z dana anar miywesin isletip, olardı shınjırlarg'a ildirtti.
17 O'relerdi İbadatxananın' aldına: birewin qubla ta'repine, ekinshisin arqa ta'repine qoydırıp, qubladag'ısın Yaxin, arqadag'ısın Boaz dep atadı.
