Ezra 10 bob
1 Ezra Qudaydın' İbadatxanasının' aldında jer bawırlap jılawı menen gu'nalardı moyınlap, duwa etip atırg'anda, izraillılardın' u'lken bir jıyını: erkekler, hayallar ha'm balalar onın' janına jıynaldı. Olar da zar en'irep, jılap turdı.
2 Sonda Elam urpag'ınan Exiel ulı Shekaniya Ezrag'a bılay dedi: «Bizler basqa millet qızlarına u'ylenip, Qudayımızdın' aldında opasızlıq ettik. Degen menen, izraillılar ushın ele u'mit bar.
3 Endi Qudayımız benen kelisim du'zeyik. Mırzam, sizin' ha'm Qudayımızdın' buyrıqların qa'dirleytug'ınlardın' ma'sla'ha'ti boyınsha, ha'mme basqa milletten alıng'an hayallar menen ajırasıp, olardı balaları menen birge bosatıp jibereyik. Bul kelisim Nızamg'a say bolsın.
4 Qa'ne, ornın'ızdan turın'! Sebebi bul is sizge ju'klengen, al bizler sizdi qollap-quwatlaymız. Ruwxın'ızdı ko'terip, iske kirisin'!»
5 Sonda Ezra ornınan turdı. Ol ruwxaniylerdin' basshılarına, lebiylilerge ha'm pu'tkil izraillılarg'a usı aytılg'anlardı orınlaymız dep, ant ishiwdi buyırdı. Olar ant ishti.
6 Keyin Ezra Qudaydın' İbadatxanasının' aldınan turıp, Elyashib ulı Ehoxanannın' bo'lmesine bardı. Sol jerde bolg'anda, ol su'rginnen qaytqanlardın' opasızlıg'ı ushın aza tutıwın dawam etip, nan da jemedi, suw da ishpedi.
7 «Su'rginnen qaytqanlardın' ha'mmesi Erusalimge jıynalsın», – dep Yahuda ha'm Erusalim boylap jar salındı.
8 Ja'ne de: «Eger kim de kim u'sh ku'n ishinde kelmese, basshılardın' ha'm aqsaqallardın' qararı boyınsha onın' barlıq mal-mu'lki tartıp alınıp, o'zi su'rginnen kelgenler ja'miyetinen shıg'arıp jiberiledi», – dep xabarlandı.
9 Sonda pu'tkil Yahudanın' ha'm Benyamin urıwının' adamları u'sh ku'n ishinde Erusalimge jıynaldı. Bul tog'ızınshı aydın' jigirmalanshı ku'ni edi. Pu'tkil xalıq Qudaydın' İbadatxanası aldındag'ı maydanda otırdı. Olar ha'm usı isten, ha'm quyıp jawg'an jawınnan dirilder edi.
10 Ruwxaniy Ezra ornınan turıp, olarg'a bılay dedi: – Sizler opasızlıq ettin'ler, basqa millet qızlarına u'ylenip, İzraildın' ayıbına ayıp jamadın'lar.
11 Endi ata-babaların'ızdın' Qudayı Jaratqan İye aldında gu'naların'ızdı moyınlap, Onın' erkin orınlan'lar. A'tirapın'ızdag'ı xalıqlardan ha'm basqa milletten alıng'an hayallardan ayırılın'lar.
12 Sonda pu'tkil ja'miyet juwap berip, ba'lent dawıs penen bılay dedi: – Awa, siz haqsız. Siz ne aytsan'ız, sonı isleymiz.
13 Degen menen, xalıq ko'p, jawın da quyıp tur, ashıq jerde turıwg'a dimarımız qalmadı. Bul bireki ku'nlik is emes, sebebi bizlerdin' ko'pshiligimiz usı iste gu'na islegenbiz.
14 Basshılarımız pu'tkil ja'miyet atınan wa'killik qılsın. Al qalalarımızdag'ı basqa millet qızlarına u'ylengen adamlardın' ha'mmesi belgilengen waqıtta o'z qalalarının' aqsaqalları ha'm qazıları menen birge usı jerge kelsin. Qudayımızdın' usı is sebepli lawlag'an g'a'zebi qaytqang'a shekem usılay islensin.
15 Bul usınısqa tek Asahel ulı İonatan ha'm Tiqwa ulı Yaxzeya qarsı boldı, al Meshullam ha'm lebiyli Shabbetay bolsa, bulardı qollapquwatladı.
16 Su'rginnen qaytqanlar aytılg'anday isledi. Ruwxaniy Ezra ha'r bir urpaqtın' urpaq basshısın atpa-at tan'lap aldı. Onınshı aydın' birinshi ku'ni olar bul isti izertlewge otırdı.
17 Birinshi aydın' birinshi ku'ni olar basqa millet qızlarına u'ylengenlerdin' ha'mmesinin' isin qarap boldı.
18 Ruwxaniyler urpag'ı arasında basqa millet qızlarına u'ylengenler: İosadaq ulı Eshuanın' ha'm onın' tuwısqanlarının' urpaqlarınan: Maaseya, Eliezer, Yarib ha'm Gedaliya.
19 Olar hayallarınan ajırasıwg'a so'z berdi ha'm ha'r biri su'riwden bir qoshqardı o'z ayıbı ushın ayıp qurbanlıg'ı retinde qurbanlıqqa berdi.
20 İmmer urpag'ınan: Xananiy ha'm Zebadiya;
21 Xarim urpag'ınan: Maaseya, İliyas, Shemaya, Exiel, Uzziya;
22 Pashxur urpag'ınan: Elyoenay, Maaseya, İsmayıl, Netanel, İozabad, Elasa;
23 Lebiylilerden: İozabad, Shimey, Kelaya, yag'nıy Kelita, Petaxiya, Yahuda, Eliezer;
24 Qosıqshılardan: Elyashib; Da'rwaza qarawıllarınan: Shallum, Telem, Uriy;
25 Basqa izraillılardan: Parosh urpaqlarınan: Ramiya, İzziya, Malkiya, Miyamin, Elazar, Malkiya, Benaya;
26 Elam urpaqlarınan: Mattaniya, Zexariya, Exiel, Abdiy, Eremot, İliyas;
27 Zattu urpaqlarınan: Elyoenay, Elyashib, Mattaniya, Eremot, Zabad, Aziza;
28 Bebay urpaqlarınan: Ehoxanan, Xananiya, Zabbay, Atlay;
29 Baniy urpaqlarınan: Meshullam, Mallux, Adaya, Yashub, Sheal, Ramot;
30 Paxat-Moab urpaqlarınan: Adna, Kelal, Benaya, Maaseya, Mattaniya, Besalel, Binnuy, Menashshe;
31 Xarim urpaqlarınan: Eliezer, İshshiya, Malkiya, Shemaya, Shimon,
32 Benyamin, Mallux, Shemariya;
33 Xashum urpaqlarınan: Mattenay, Mattata, Zabad, Elifelet, Eremay, Menashshe, Shimey;
34 Baniy urpaqlarınan: Maaday, Amram, Uwel,
35 Benaya, Bedeya, Keluhu,
36 Waneya, Meremot, Elyashib,
37 Mattaniya, Mattenay, Yasay,
38 Baniy, Binnuy, Shimey,
39 Shelemiya, Natan, Adaya,
40 Maxnadbay, Shashay, Sharay,
41 Azarel, Shelemiya, Shemariya
42 Shallum, Amariya, Yusup;
43 Nebo urpaqlarınan: Eiel, Mattitiya, Zabad, Zebina, Yadday, İoel, Benaya
44 Bul adamlardın' ha'mmesi basqa millet qızlarına u'ylengen bolıp, olardın' ayırımlarının' balaları da bar edi.
