Ayup 19 bob
1 Sonda Ayup bılay dep juwap berdi:
2 – Qashang'a shekem meni qıynap, So'zlerin'iz benen meni ezesiz?
3 Mine, meni on ma'rte kemsittin'iz, Azar bere beriwge uyalmaysızlar ma?
4 Eger menin' qa'teleskenim ıras bolsa, Onda ol menin' moynımda.
5 O'zlerin'izdi mennen joqarı qoyıp, Shermende bolg'anımdı betime bassan'ız,
6 Onda bilip qoyın': Quday mag'an nahaqlıq qıldı, O'z torın u'stime tasladı.
7 Men: «Bul – zorlıq», – dep baqırsam da, Hesh kim juwap bermeydi. Ja'rdemge shaqıraman, biraq a'dalatlıq joq.
8 Quday jolıma bo'get qoydı, o'te almayman, Soqpaqlarımdı qaran'g'ılıqqa bu'rkedi.
9 Ol meni abırayımnan jurday qılıp, Basımnan tajımdı sheship aldı.
10 Meni ja'n-jaqtan qırıp joydı, tamam boldım, Ag'ashtı suwırg'anday etip, u'mitimdi tu'p-tamırı menen suwırıp aldı.
11 Onın' g'a'zebi mag'an qarsı qaynamaqta, Ol meni dushpan dep sanaydı.
12 Onın' la'shkerleri de mag'an qarsı atlanıp, Meni qamal qılıw niyetinde, Shatırım a'tirapına orda qurdı.
13 Quday tuwısqanlarımdı mennen uzaqlastırıp, Jaqınlarımdı jat qıldı.
14 Ag'ayin-tuwg'anlarım mennen ju'z burdı, Doslarım meni umıttı.
15 Qonaqlarım da, shorılarım da, Meni jat sanap, O'zge adamday qarasadı.
16 Qonaqlarım da, shorılarım da, Meni jat sanap, O'zge adamday qarasadı.
17 Hayalım demimnen tiksinedi, Tuwısqanlarım mennen jerkenedi.
18 Hayalım demimnen tiksinedi, Tuwısqanlarım mennen jerkenedi.
19 Jaqın doslarım mennen jerkenedi, Su'ygenlerim mennen ju'z burdı.
20 Et-terim su'yegime jabısqan, Ta'nimde shıqpas janım g'ana bar.
21 Mag'an ashının', ha'y doslarım, mag'an ashının'! Meni Quday urdı!
22 Nege Quday sıyaqlı sizler de izimnen qalmaysızlar? Etime ele toymadın'ız ba?
23 Qa'ne endi, so'zlerim jazıp qoyılsa, Orama kitapqa jazıp qaldırılsa!
24 Temir qa'lem ha'm qorg'asın menen, Tasqa oyılıp ma'n'gige qalsa!
25 Biraq men bilemen, A'mengerim tiri, Aqırında Ol men ushın jer betine kelip turadı.
26 Denem buzılıp ketkennen keyin bolsa da, Usı denem menen Qudaydı ko'remen,
27 Onı men o'zim ko'remen! Onı ko'retug'ın basqanın' emes, menin' o'z ko'zlerim boladı. Ju'regim qanamnan shıg'ıp baratır!
28 Eger sizler: «Bizler onı qalay quwdalaymız, Aqırı, ma'selenin' tu'p-tamırı onda g'oy», – desen'iz,
29 Onda qılıshtan qorqın', Sebebi Qudaydın' g'a'zebi basın'ızg'a qılısh do'ndiredi, Sonda hu'kim etiwshinin' bar ekenin ko'resiz.
