1 Ayup tartısıwın dawam etip, bılay dedi: 2 – Huqıqımnan mahrum etken tiri Quday haqı, Janımdı ha'siretke toltırg'an Qu'direti ku'shli Quday haqı ant ishemen:
2 Gewdemde janım bar eken, Quday bergen dem murnımda eken,
3 Awzımnan nahaq so'z shıqpaydı, Tilim jalg'an so'z aytpaydı.
4 Sizlerdi hesh qashan haq dep ta'n almayman, O'lgenimshe, pa'kligimnen bas tartpayman.
5 A'dilligimde bekkem turıp, onnan hasla ju'z burmayman, Tiri ekenmen, hu'jdanım meni ayıplamas.
6 Dushpanımnın' basına zalımnın' ku'ni, Qarsılasımnın' basına nahaqtın' ku'ni tu'ssin.
7 Quday qudaysızdın' janın alıp, onı joq qılg'anda, Onda qanday u'mit qaladı?
8 Qudaysızdın' basına apatshılıq tu'skende, Quday onın' dad salıp jılag'anın esite me?
9 Ol qu'direti ku'shli Qudaydan zawıq ala ma? Ba'rqulla Qudaydı shaqıra ala ma?
10 Qudaydın' qu'direti haqqında sizlerge u'yretemen, Qu'direti ku'shli Qudaydın' niyetin sizlerden jasırmayman.
11 Haslında, bulardın' ha'mmesin o'zlerin'iz ko'rdin'iz, Onda nege ha'mmen'iz ma'nissiz so'zlerdi so'yley beresiz?
12 alım adamnın' Qudaydan alatug'ın u'lesi, Qısım ko'rsetiwshinin' Qu'direti ku'shli Qudaydan alatug'ın miyrası mınaw:
13 Onın' balaları qanshelli ko'p bolsa da, Olar qılıshtan qırılıp ketedi, Urpaqlarının' jetkilikli tamag'ı bolmaydı.
14 Tiri qalg'anları kesellikten o'lip, ko'miledi, Jesir qalg'an hayalları joqlaw aytıp, jılamaydı.
15 Jawız adam jerdin' shan'ınday mol gu'mis jıynasa da, Ilayday mol kiyimkenshek toplasa da,
16 Onın' toplag'anların a'diller kiyedi, Ayıpsızlar gu'mislerdi bo'lisip aladı.
17 Jawızdın' salg'an u'yi o'rmekshinin' awınday, Gu'zetshinin' shertegindey ha'lsiz boladı.
18 Ol bay bolıp, uyqıg'a ketedi, biraq artıq onday bolmaydı.
19 Ol bay bolıp, uyqıg'a ketedi, biraq artıq onday bolmaydı. Ko'zin ashqanda, baylıg'ı joq bolıp shıg'adı.
20 Qorqınısh onı sel kibi basadı, Tu'nde du'beley ushırıp ketedi.
21 Shıg'ıs samalı onı ushırıp alıp ketip, Ol ko'zden g'ayıp boladı. Onı o'z ornınan sıpırıp taslaydı.
22 Samal ayawsız og'an taslanar, Ol samaldın' ku'shinen qashıwg'a urınadı.
23 Samal onın' u'stinen ku'lip, qolların shappatlap, O'z ornınan onın' izinen ısqıradı.
