Ayup 8 bob
1 Sonda shuwaxlı Bildad Ayupqa bılay dedi+
2 – Qashang'a deyin usı so'zlerin'di dawam etesen'? Awzın'nan shıqqan so'zlerin' dawılg'a uqsaydı.
3 Quday a'dillikti burmalay ma? Qu'direti ku'shli Quday haqıyqattı burmalay ma?
4 Balaların' Og'an qarsı gu'na isledi. Sonlıqtan Quday da olardı gu'naları ushın jazalag'an.
5 Biraq, sen eger Qudaydı shaqırıp, Qu'direti ku'shli Qudayg'a jalbarınsan',
6 Eger sen pa'k ha'm a'dil bolsan', Onda Ol sag'an ja'rdemge kelip, Seni ılayıqlı orıng'a qaytaradı.
7 Sonda baslanıwı kishkene bolsa da, Keleshegin' ullı boladı.
8 O'tinemen, o'tken a'wladlardan sorap ko'r, Olardın' ata-babalarının' nelerdi izlep bilgenin qarap ko'r.
9 Bizler keshe tuwıldıq, hesh na'rse bilmeymiz, Bizlerdin' jer betindegi ku'nlerimiz ko'len'kedey o'tkinshi.
10 Olar sag'an u'yretip, na'siyat beredi, Ju'reklerindegi so'zlerin so'ylep beredi.
11 Batpaqlıq joq jerde papirus o'se me? Suwsız jerde qamıs boy soza ma?
12 Ha'tte, olar ko'gerip turıp, ele orılmay atırıp-aq, Ha'mme sho'plerden burın quwrap qaladı.
13 Qudaydı umıtqanlar da keleshekte sol ku'yge tu'sedi, Qudaysızlardın' u'miti de solay qurıydı.
14 Olardın' isengeni mort, Su'yengeni o'rmekshinin' awınday.
15 Sonday adam o'z u'yine su'yense, u'y tura almaydı, Bekkem uslasa da, ol shıdam bere almaydı.
16 Qudaysız adam quyash astında suwı mol jerde o'sip turg'an o'simlikke uqsaydı, Onın' shaqaları bag' u'stinde jayılıp turadı.
17 Tamırları tas u'yindilerin orap alıp, Taslardın' arasına ornalasıp aladı.
18 Al eger o'simlik sol jerden julıp taslansa, Sol jerdin' o'zi onnan tanıp: «Seni hesh qashan ko'rmedim», – deydi.
19 Onın' o'mirinin' quwanıshı mine, usılay ayaqlanadı! Al topıraqtan bolsa, basqa o'simlikler o'sip shıg'adı.
20 Onın' o'mirinin' quwanıshı mine, usılay ayaqlanadı! Al topıraqtan bolsa, basqa o'simlikler o'sip shıg'adı.
21 Ol ja'ne, senin' awzın'dı ku'lkige, Erinlerin'di shadlıq hawazına toltıradı.
22 Sonda dushpanların' uyatqa qaladı, Zalımlardın' shatırı wayran boladı.
