Qosıqlar qosıg'ı 1 bob
1 Sulaymannın' en' jaqsı qosıg'ı.Su'y meni, erinlerin' menen su'y! Muhabbatın' sharaptan da tatlı!
2 A'tir mayın' qanday xosh iyisli! Atın' da to'gilgen a'tir kibi, Sonın' ushın qızlar su'yedi seni!
3 Meni o'zin' menen alıp ket, asıg'ayıq, Shahzadam meni otawına aparsın!Senin' menen quwanıp, shadlanamız, Muhabbatın'dı sharaptan da zıyada dep ta'riyipleymiz.Mina'sipsen' sen qızlardın' muhabbatına.
4 Erusalim qızları, Men qara torıdan kelgen sulıwman. Kedar shatırlarınday qaraman, Sulaymannın' perdelerindey go'zzalman.
5 Qara torı bolg'anıma qaraman', Quyash qarayttı meni. Ag'a-inilerim mag'an ashıwlanıp, Meni ju'zimzarg'a qarawıl qılıp qoydı. O'zimnin' ju'zimzarıma qaray almadım.
6 Su'yiklim, aytshı, su'riwin'di qay jerde bag'asan'? Tu'ste onı qay jerde tınıqtırasan'? Nege senin' dosların'nın' su'riwleri arasınan, Betine perde jamılg'an buzıqlarday, Seni izlep, sergizdan bolıwım kerek?
7 Ha'y, go'zzallar go'zzalı! Bilmesen', su'riwlerdin' izi menen ju'r, Shopanlardın' shatırlarının' janında, Ilaqların'dı baq.
8 Faraonnın' arbasına jegilgen, Baytalg'a megzetemen seni, su'yiklim!
9 Tag'ınshaqlar bet a'lpetin'e, Monshaqlar moynın'a qanday jarasqan!
10 Sag'an gu'mis penen a'sheko'ylengen, Altın tag'ınshaq sog'ıp beremiz.
11 Shahzadam o'z dasturxanı a'tirapında otırg'anda, Nard a'tirim xosh iyisin tarattı.
12 Su'yiklim men ushın, Ko'kireklerim ortasında jatırg'an, Mirra tolı qaltashag'a megzeydi.
13 Su'yiklim men ushın, En-Gediydegi ju'zim bag'ındag'ı, Qına gu'linin' da'stesine megzeydi.
14 Qanday go'zzalsan', su'yiklim! Go'zzalsan', qumırı ko'zlim.
15 Qanday sımbatlısan', su'yiklim! Ju'da' su'ykimlisen'! Jatag'ımız jasıl maysazar.
16 Kedrler u'yimizdin' to'besi bolsa, Sa'rwi ag'ashları shertegimiz.
