Yunus 3 bob
1 Jaratqan İye Yunusqa ekinshi ma'rte bılay dedi:
2 «Qa'nekey, ullı Nineviya qalasına bar da, sag'an aytatug'ınlarımdı xalıqqa ja'riyala».
3 Yunus Jaratqan İyenin' so'zine boysınıp, Nineviyag'a ketti. Nineviya sonday u'lken qala bolıp, onı basıp o'tiwge u'sh ku'nlik jol ju'riw kerek edi.
4 Solay etip, Yunus qalag'a kirip, bir ku'nlik joldı basıp o'tkennen son': «Qırıq ku'nnen keyin Nineviya qıyratıladı», – dep ja'riyaladı.
5 Bul xabar Nineviya patshasına jetip barg'anda, ol taxtınan tu'sip, u'stindegi patshalıq kiyimlerin sheshti ha'm aza kiyimin kiyip, ku'lge otırdı Sonda Nineviya xalqı Qudayg'a isendi ha'm olar oraza tutıwdı ja'riyalap, ullısınan kishisine deyin aza kiyimin kiydi.Son'ınan ol Nineviyada o'zinin' ha'm aqsu'yeklerinin' atınan mına buyrıqtı ja'riyalattı: «Hesh bir adam da, haywan da, iri mal da, mayda mal da hesh na'rse jemesin, jaylawg'a barmasın ha'm suw ishpesin.
6 Bul xabar Nineviya patshasına jetip barg'anda, ol taxtınan tu'sip, u'stindegi patshalıq kiyimlerin sheshti ha'm aza kiyimin kiyip, ku'lge otırdı.
7 Son'ınan ol Nineviyada o'zinin' ha'm aqsu'yeklerinin' atınan mına buyrıqtı ja'riyalattı: «Hesh bir adam da, haywan da, iri mal da, mayda mal da hesh na'rse jemesin, jaylawg'a barmasın ha'm suw ishpesin.
8 Adamlar da, haywanlar da aza kiyiminde bolsın. Ha'r bir adam Qudayg'a bar ku'shi menen jalbarınıp, o'zlerinin' jaman jollarınan ha'm jawızlıq islewden waz keshsin.
9 Kim biledi, mu'mkin, sonda Quday pikirin o'zgerter, lawlag'an g'a'zebinen qaytar ha'm bizler nabıt bolmaspız».
10 Sonda Quday nineviyalılardın' qılg'an islerin ha'm olardın' jaman joldan qaytqanın ko'rdi. Sonlıqtan olarg'a janı ashıp, jiberemen degen apattı jibermedi.
