Rimliler 6 bob
1 Olay bolsa, ne deymiz? Qudaydın' miyrimi ko'beysin dep, gu'na islewdi dawam ettire bereyik pe?
2 Hesh qashan! Bizler gu'na ushın o'lgenbiz. Endi qalayınsha, gu'na islewdi dawam ettirip jasay alamız?
3 Bizler Masix İysa menen baylanısqa iye bolıp, suwg'a shomıldırılg'anımızda ha'mmemiz de Onın' o'limine sherik bolıp, suwg'a shomıldırılg'anımızdı bilmeysizler me?
4 Masixqa isenip, suwg'a shomıldırılıw arqalı Onın' menen birlikte o'lip, ko'mildik. Solay etip, Quday A'kemizdin' qu'direti menen Masix o'limnen qayta tirilip, o'mirge eriskendey, bizler de jan'a o'mirge erisemiz.
5 Gu'nakar ta'biyatımızdın' ku'shin joq qılıp, endigiden bılay gu'nag'a qul bolmawımız ushın, bizlerdin' eski gu'nakar o'zligimizdin' Masix penen birge atanaq ag'ashqa shegelengenin bilemiz.
6 Gu'nakar ta'biyatımızdın' ku'shin joq qılıp, endigiden bılay gu'nag'a qul bolmawımız ushın, bizlerdin' eski gu'nakar o'zligimizdin' Masix penen birge atanaq ag'ashqa shegelengenin bilemiz.
7 O'ytkeni o'lgen adam gu'nanın' biyliginen azat.
8 Eger bizler Masix penen birge o'lgen bolsaq, Onın' menen birge jasaytug'ınımızg'a da isenemiz.
9 Sebebi Masixtın' o'limnen tirilip, qaytıp o'lmeytug'ının ha'm endi o'limnin' Onın' u'stinen hu'kimdarlıq ete almaytug'ının bizler bilemiz.
10 Masix gu'nanı joq qılıw ushın birinshi ha'm son'g'ı ma'rte o'ldi. Al endi bolsa, Ol Quday ushın jasap atır.
11 Sonlıqtan sizler de o'zlerin'izdi gu'na ushın o'li dep, al Masix İysa menen qatnasta bolıp, Quday ushın tiri dep esaplan'lar.
12 Solay etip, denen'izdin' jaman qa'lewlerine boysınbawın'ız ushın, gu'nanın' o'tkinshi denen'izdi basqarıwına jol qoyman'lar.
13 Denen'izdin' mu'shelerin nahaqlıqtın' quralı qılıp, gu'na islewge tapsırman'lar. Kerisinshe, o'limnen qayta tirilgenler sıpatında, o'zlerin'izdi Qudayg'a bag'ıshlan'lar. Denen'izdin' mu'shelerin de haqlıqtın' quralı qılıp, Qudayg'a arnan'lar.
14 Sonda gu'na sizlerdin' u'stin'izden hu'kimdarlıq etpeydi. O'ytkeni sizler nızamnın' biyligi astında emes, al Qudaydın' miyriminin' biyligi astında jasaysız.
15 Olay bolsa, ne deyik? Nızamnın' biyligi astında emes, al Qudaydın' miyriminin' biyligi astında jasap atırg'anımız sebepli gu'na isley bereyik pe? Hesh qashan!
16 Boysınatug'ın qullar sıyaqlı, o'zlerin'izdi kimnin' biyligine tapsırıp boysınsan'ız, sonın' qulı bolatug'ının'ızdı bilmeysizler me? Sizler ya o'limge jetelewshi gu'nanın', ya aqlanıwg'a jetelewshi boysınıwshılıqtın' qulı bolasızlar.
17 Biraq, Qudayg'a shu'kir! Burın gu'nanın' qulı bolg'an sizler endi o'zlerin'izge tapsırılg'an ta'liymatqa shın ju'rekten boysındın'lar.
18 ha'm gu'nanın' biyliginen azat bolıp, haqlıqtın' qulları boldın'lar.
19 Tu'siniwin'izge an'sat bolıw ushın, a'piwayı so'zler menen aytıp atırman: burın denen'izdin' mu'shelerin iplaslıqqa ha'm nahaq islerdi islew ushın nahaqlıqqa qul qılıp bag'ıshlaytug'ın edin'iz, al endi muxaddes bolıwın'ız ushın, olardı haqlıqqa qul qılıp bag'ıshlan'lar.
20 Sizler gu'nanın' qulı bolg'anın'ızda, haqlıqtın' biyliginen azat edin'ler.
21 Burın islegen islerin'izden ha'zir o'zlerin'iz de uyalasız. Sol waqıtları usı islerden ne arttırg'an edin'iz? Olardın' aqırı o'lim edi-g'o.
22 Biraq endi bolsa, sizler gu'nanın' biyliginen azat etilip, Qudaydın' qulları boldın'lar. Sol sebepten muxaddeslikke erisip, aqırında ma'n'gilik o'mir alasız.
23 Sebebi gu'nanın' to'lemi – o'lim, al Qudaydın' sıyı – İyemiz Masix İysa arqalı beriletug'ın ma'n'gilik o'mir.
