Даниел ҳәм оның дослары
Мухаддес Китап, Даниел пайғамбардың китабы, 1-бап.
Набуходоносордың патшалығында Яҳудияның патша ҳәм ақ сүйеклер әўладынан болған жас жигитлер бар еди. Патшаның оларға деген өзгеше жобасы бар еди. Ол усы жигитлерге үш жыл даўамында калдейлердиң тили ҳәм илими үйретилиўи тийис екенин буйырды. Келешекте олар империядағы уллы халықты басқарыўда жәрдем бериўи тийис еди. Сол жигитлердиң арасында атлары Даниел, Мишаел, Ханания ҳәм Азария бар еди. Бирақ оларға яҳудия ҳаққында ҳеш нарсе еслетпеўи ушын, сарайдың бас хызметшиси олардың атларын Белтешассар, Мешах, Шадрах ҳәм Абед-него деп өзгертип таслады.
Дослар тутқынлықта болса да, Қудайға исениўди ҳәм дуўа етиўди даўам етти. Әўел бастан-ақ олар өлим жазасынан қорықпастан, өзлерин патша дастурханынан берилетуғын аўқат ҳәм шарап пенен ҳарамламаўды шешти.
Қудай олардың батырлығын ҳәм садықлығын көрип, оларға даналық, билим, оқыўға уқып ҳәм және де оларға сыртқы шырай берди.
Даниел Қудайдан айрықша сый алды, ол Қудайдың Руўхы арқалы түслерди жорып, аянларды талқылай алатуғын еди.
Бир күни ол Набуходоносордың ҳеш ким түсинбеген түсин талқылап берди. Патша одан ҳайран қалған еди, бирақ Даниел бул қәбилеттиң өзиники емес, ал өзи сыйынатуғын Қудайдың бергенин айтты. Набуходоносор Даниел сыйынатуғын ҳақыйқый Қудайға алғыслар айтты.
СОРАЎЛАР:
1. Патша Набуходоносор өз сарайына кимлерди жайластырды? Олардың атлары ким еди?
2. Оның жас жигитлерге болған қандай жобасы бар еди?
3. Жигитлер қандай шешим қабыл етти?
