Ezra 4 bob
1 Yahuda ha'm Benyamin urıwlarının' dushpanları su'rginnen qaytqanlardın' İzraildın' Qudayı Jaratqan İyege arnap İbadatxana qurıp atırg'anın esitti.
2 Olar Zerubbabelge ha'm urıwbasılarg'a kelip: – Bizler de sizler menen birge qurılısqa qatnasayıq. Sebebi bizler de sizler sıyaqlı Qudayın'ızg'a sıyınamız. Bizlerdi usı jerge alıp kelgen Assiriya patshası Esar-Xaddonnın' da'wirinen beri, Og'an arnap qurbanlıq berip kelemiz, – dedi.
3 Biraq Zerubbabel, Eshua ha'm İzraildın' basqa urıwbasıları olarg'a bılay dep juwap berdi: – Qudayımızg'a arnap İbadatxana qurıw ushın sizlerdin' bizler menen birge qurılısqa qatnasıwg'a haqın'ız joq. Persiya patshası Kirdin' buyrıg'ı boyınsha, İzraildın' Qudayı Jaratqan İyege arnap İbadatxananı jalg'ız o'zimiz quramız.
4 Sonda sol jerdegi xalıqlar Yahuda xalqın qorqıtıp, qurılıs isine tosqınlıq jasawg'a ha'm isten qolın suwıtıwg'a ha'reket etti.
5 Dushpanlar ken'esshilerge para berip, Persiya patshası Kirdin' pu'tkil hu'kimdarlıg'ı dawamında olardın' jobalarına qarsılıq qılıp keldi. Bul awhal Persiya patshası Dariydin' patshalıg'ına deyin dawam etti.
6 Jıllar o'tip, Axashwerosh taxtqa otırıp, onın' patshalıg'ı baslanıwdan, dushpanlar Yahuda ha'm Erusalim turg'ınları u'stinen shag'ım xat jazdı.
7 Son'ınan Persiya patshası Artakserkstin' da'wirinde de Bishlam, Mitredat, Tabeel ha'm olardın' basqa joldasları patshag'a xat jazdı. Xat aramey tilinde jazılg'an bolıp, patshag'a awdarıp berildi.
8 Patshanın' nayıbı Rexum menen xatker Shimshaydın' patsha Artakserkske Erusalimdi qaralap jazg'an xatının' mazmunı mınaday edi:
9 «Patshanın' nayıbı Rexum, xatker Shimshay ha'm olardın' basqa joldasları: Tripolis, Persiya, Erex ha'm Babilon turg'ınlarınan ha'm Suza qalasının', yag'nıy elam xalqının' biyleri ha'm ha'meldarlarınan,
10 «Patshanın' nayıbı Rexum, xatker Shimshay ha'm olardın' basqa joldasları: Tripolis, Persiya, Erex ha'm Babilon turg'ınlarınan ha'm Suza qalasının', yag'nıy elam xalqının' biyleri ha'm ha'meldarlarınan,
11 Olar jibergen xattın' nusqası mınaday edi: «Patsha Artakserkske Evfrat da'ryasının' arg'ı ta'repinde jasaytug'ın xızmetshilerinen.
12 Patshag'a mınanı ma'lim etpekshimiz: sizin' qol astın'ızdan shıg'ıp, bizge, Erusalimge kelgen yahudiyler qozg'alan'shı ha'm jawız qalanı qayta qura basladı. Olar diywallardı tiklep, imaratlardın' tiykarların du'zetip atır.
13 Ja'ne mınanı da ma'lim etpekshimiz: eger usı qala qurılıp, onın' diywalları qayta tiklenip bolınsa, onda olar salg'ırt, salıq ha'm bajı pulların to'lemey qoyadı. Na'tiyjede patsha qaznasına zıyan keledi.
14 Patsha sarayının' duzına o'zlerimiz de sherik bolg'anımız sebepli ha'm patshamızdın' zıyang'a ushırawına qarap tura almaytug'ın bolg'anlıqtan, xat jiberip, patshanı xabardar qılıp qoymaqshımız.
15 Eger ata-babaların'ızdın' jılnama kitabınan izletsen'iz, jazbalarda bul qalanın' qozg'alan'shı, patshalar ha'm wa'layatlar ushın qa'wipli bolg'anın ko'resiz. Bul qala a'zelden qozg'alan'nın' oshag'ı bolg'anlıqtan, wayran etilgen.
16 Usı sebepli patshag'a ma'lim etemiz: eger usı qala qayta tiklenip, diywalları qayta qurılsa, onda da'ryanın' arg'ı jag'ındag'ı iyeliklerin'izden de ayırılasız».
17 Patsha mınaday juwap jiberdi: «Nayıp Rexumg'a, xatker Shimshayg'a, Samariyada ha'm da'ryanın' arg'ı ta'repinde jasaytug'ın olardın' basqa joldaslarına sa'lem!
18 Sizlerdin' bizlerge jibergen xatın'ız menin' aldımda oqılıp, awdarıldı.
19 Menin' buyrıg'ım menen izlew alıp barıldı ha'm bul qalanın' a'zelden patshalarg'a qarsı bas ko'terip kelgeni, qozg'alan' ha'm bu'lginshiliktin' ma'kanı bolg'anı tastıyıqlandı.
20 Erusalimde Evfrat da'ryasının' arg'ı ta'repindegi pu'tkil jerlerdi iyelep, olardan salg'ırt, salıq ha'm bajı pulların o'ndirgen qu'diretli patshalar jasag'an eken.
21 Sonlıqtan sol adamlardın' isti toqtatıwı ushın buyrıq ber. Men buyrıq bermegenshe, qalanı qayta qurmasın. 22Abaylı bolın'lar, itibarsızlıq etpen'ler. Patshag'a za'lel keltiretug'ın zıyanlı istin' ko'beyiwine jol qoyman'lar».
22 Abaylı bolın'lar, itibarsızlıq etpen'ler. Patshag'a za'lel keltiretug'ın zıyanlı istin' ko'beyiwine jol qoyman'lar».
23 Patsha Artakserkstin' bul xatı Rexum, xatker Shimshay ha'm olardın' joldaslarının' aldında oqılıwdan, olar asıg'ıs Erusalimge, yahudiylerdin' janına bardı ha'm a'skeriy ku'sh penen jumıstı toqtatıwg'a ma'jbu'r qıldı.
24 Solay etip, Qudaydın' Erusalimdegi İbadatxanasının' qurılısı toqtap qalıp, Persiya patshası Dariydin' patshalıg'ının' ekinshi jılına shekem ha'reketsiz turdı.
