1 Minnetlemege mo'r basqanlar mınalar edi: Xaxaliya ulı ha'kim Nexemiya ha'm Sedekiya.
2 Ruwxaniyler: Seraya, Azariya, Eremiya,
3 Pashxur, Amariya, Malkiya,
4 Xattush, Shebaniya, Mallux,
5 Xarim, Meremot, Obadiya,
6 Daniel, Ginneton, Barux,
7 Meshullam, Abiya, Miyamin,
8 Maaziya, Bilgay, Shemaya.
9 Lebiyliler: Azaniya ulı Eshua, Xenadad urpaqlarınan Binnuy, Qadmiel,
10 olardın' tuwısqanları: Shebaniya, Hodiya, Kelita, Pelaya, Xanan,
11 Mixa, Rexob, Xashabiya,
12 Zakkur, Sherebiya, Shebaniya,
13 Hodiya, Baniy, Beninu,
14 Xalıq basshıları:Parosh, Paxat-Moab, Elam, Zattu, Baniy
15 Bunniy, Azgad, Bebay,
16 Adoniya, Bigway, Adin,
17 Ater, Xizkiya, Azzur,
18 Hodiya, Xashum, Betsay,
19 Xarif, Anatot, Nebay,
20 Magpiash, Meshullam, Xezir,
21 Meshezabel, Sadoq, Yaddua,
22 Pelatiya, Xanan, Anaya,
23 Hoshea, Xananiya, Xashshub,
24 Halloxesh, Pilxa, Shobek,
25 Rexum, Xashabna, Maaseya,
26 Axiya, Xanan, Anan,
27 Mallux, Xarim, Baana.
28 Qalg'an xalıqtın' ha'mmesi: ruwxaniyler, lebiyliler, da'rwaza qarawılları menen İbadatxana xızmetshileri, qosıqshılar, Qudaydın' Nızamına muwapıq basqa xalıqlardan bo'leklengen ha'r bir adam hayalları ha'm oqılg'andı tu'sine alatug'ın ul-qızları menen birge.
29 o'z tuwısqanlarına, yag'nıy aqsu'yeklerge qosılıp bılay dep ant ishti: «Bizler Qudaydın' O'z qulı Muwsa arqalı bergen Nızamı boyınsha jasaymız, İyemiz bolg'an Jaratqan İyenin' barlıq buyrıqlarına, nızam ha'm qag'ıydalarına tolıq boysınamız. Al boysınbag'anlarg'a na'let jawsın!
30 A'tirapımızdag'ı xalıqlar menen qız alıp, qız berispeymiz.
31 Eger a'tiraptag'ı xalıqlar Shabbat ku'ni qanday da bir zatın yamasa biydayın satıw ushın alıp kelse, olardan Shabbat ku'ni yamasa qanday da bir muxaddes ku'nde zat satıp almaymız. Ha'r jeti jıldın' jetinshi jılında bir ret jerdi su'rmeymiz ha'm qarızlarımızdan keshemiz.
32 Qudayımızdın' İbadatxanasındag'ı xızmet ushın jılına shekeldin' u'shten birin beriw minnetlemesin o'zimizge alamız.
33 Bul aqsha usınılg'an nanlar, ku'ndelikli g'a'lle sadaqaları, ku'ndelikli jandırılatug'ın qurbanlıqlar, Shabbat ku'ni, Jan'a ay bayramları, belgilengen bayramlar, muxaddes sadaqalar, İzrail urpaqlarının' gu'nasın keshiriw ushın beriletug'ın qurbanlıqlar ha'm Qudayımızdın' İbadatxanasındag'ı basqa isler ushın jumsaladı.
34 Bizler – ruwxaniyler, lebiyliler ha'm xalıq birgelikte shek taslaymız. Ol arqalı Nızamda jazılg'anına muwapıq, Qudayımız Jaratqan İyenin' qurbanlıq ornında jag'ılatug'ın otındı ha'r jılı belgilengen waqıtta Qudayımızdın' İbadatxanasına qaysı a'wladtın' alıp keletug'ının belgilep alamız.
35 Ha'r jılı eginimizdin' ha'm ha'r bir miywe ag'ashımızdın' birinshi o'nimin Jaratqan İyenin' İbadatxanasına alıp kelemiz.
36 Nızamda jazılg'anınday, tun'g'ısh ullarımızdı, mallarımızdın' birinshi to'llerin, sonday-aq iri ha'm mayda mallarımızdın' birinshi to'llerin Qudayımızdın' İbadatxanasına, sol jerde xızmet etip atırg'an ruwxaniylerge alıp kelemiz.
37 Ja'ne da'slepki tartılg'an unnan iylengen qamırımızdı, basqa o'nimlerimizden beriletug'ın sadaqalardın', barlıq miywe ag'ashlarımızdın' miywelerinin', sharaptın' ha'm za'ytu'n mayının' da'slepki o'nimlerin Qudayımızdın' İbadatxanasındag'ı zatlar saqlanatug'ın bo'lmege qosıw ushın ruwxaniylerge beremiz. Al jerimizden o'ngen o'nimnen beriletug'ın u'sirdi lebiylilerge beremiz. Sebebi diyxanshılıq penen shug'ıllanatug'ın ha'mme qalalardan alınatug'ın u'sirdi lebiyliler jıynaydı.
38 ebiyliler u'sir jıynap atırg'anda, Xaron urpag'ınan bolg'an bir ruwxaniy olardın' qasında boladı. Lebiyliler o'zleri jıynag'an u'sirden onnan birin Qudaydın' İbadatxanasındag'ı zatlar saqlanatug'ın bo'lmege beredi.
39 İzrail xalqı ha'm lebiyliler biydaydan, jan'a sharaptan, za'ytu'n mayınan beriletug'ın sadaqalardı sol zatlar saqlanatug'ın bo'lmelerge alıp keledi. Ol jerde Muxaddesxana buyımları saqlanadı. Sonday-aq ruwxaniyler, da'rwaza qarawılları ha'm qosıqshılar xızmet waqtında sol jerde boladı. Bizler Qudayımızdın' İbadatxanasın qarawsız qaldırmaymız».
