Nexemiya 12 bob
1 Shealtiel ulı Zerubbabel ha'm bas ruwxaniy Eshua menen birge su'rginnen qaytıp kelgen ruwxaniyler menen lebiyliler mınalar edi: Ruwxaniyler: Seraya, Eremiya, Ezra,
2 Amariya, Mallux, Xattush,
3 Amariya, Mallux, Xattush,
4 İddo, Ginneton, Abiya,
5 Miyamin, Maadiya, Bilga,
6 hemaya, İoyarib, Edaya,
7 Sallu, Amoq, Xilkiya, Edaya. Bular Eshuanın' da'wirinde o'zlerinin' izindegi barlıq ruwxaniylerge basshılıq etken edi.
8 Lebiyliler: Eshua, Binnuy, Qadmiel, Sherebiya, Yahuda ha'm Mattaniya. Mattaniya o'z tuwısqanları menen birge ta'riyiplew qosıqların alıp barıw isine juwapker edi.
9 Al olardın' tuwısqanları Baqbuqıya menen Unniy xızmet waqtında olardın' qarsı aldında turatug'ın edi.
10 Bas ruwxaniy bolg'an Eshua İoyakimnin' a'kesi edi. İoyakim Elyashibtin' a'kesi, Elyashib İoyadanın' a'kesi,
11 İoyada İonatannın' a'kesi, İonatan Yadduanın' a'kesi edi.
12 Bas ruwxaniy İoyakim da'wirinde a'wlad basshıları bolg'an ruwxaniyler mınalar edi: Seraya na'silinen Meraya, Eremiya na'silinen Xananiya,
13 Ezra na'silinen Meshullam, Amariya na'silinen Ehoxanan,
14 Malixiy na'silinen İonatan, Shebaniya na'silinen Yusup,
15 Xarim na'silinen Adna, Merayot na'silinen Xelqay,
16 İddo na'silinen Zexariya, Ginneton na'silinen Meshullam,
17 Abiya na'silinen Zixriy, Minyamin na'silinen bir basshı, Moadiya na'silinen Piltay,
18 Bilga na'silinen Shammua, Shemaya na'silinen Ehonatan,
19 İoyarib na'silinen Mattenay, Edaya na'silinen Uzziy,
20 Sallay na'silinen Qallay, Amoq na'silinen Eber,
21 Xilkiya na'silinen Xashabiya, Edaya na'silinen Netanel.
22 Bas ruwxaniyler bolg'an Elyashib, İoyada, Yuxanan ha'm Yadduanın' waqtında, Persiya patshası Dariydin' hu'kimdarlıg'ı da'wirinde, lebiyli a'wlad basshılarının' ha'm ruwxaniylerdin' dizimi jazıp qoyıldı.
23 Elyashib ulı Yuxanannın' zamanına deyingi lebiyli a'wlad basshılarının' dizimi jılnama kitabına jazıldı.
24 Lebiyli basshılardan Xashabiya, Sherebiya ha'm Qadmiel ulı Eshua bir ta'repte, olardın' tuwısqanları qarsı ta'repte turıp, Qudaydın' adamı bolg'an Dawıttın' ko'rsetpesine muwapıq, gezekpe-gezek alg'ıs-maqtaw ha'm ta'riyiplew qosıqların aytatug'ın edi.
25 Mattaniya, Baqbuqıya, Obadiya, Meshullam, Talmon ha'm Aqqub na'wbet penen da'rwaza qarawılları bolıp, İbadatxana da'rwazasının' ishindegi zatlar saqlanatug'ın bo'lmelerdi qarawıllaytug'ın edi.
26 Olar İosadaqtın' aqlıg'ı, Eshuanın' ulı İoyakim, ha'kim Nexemiya, ulama ha'm ruwxaniy Ezra jasag'an da'wirde xızmet etti.
27 Erusalimnin' jan'a diywalların Qudayg'a bag'ıshlaw ra'simin o'tkeriw ushın, ha'mme jerde jasap atırg'an lebiyliler Erusalimge shaqırtıldı. Olar ta'riyiplew qosıqların aytıp, kimbal, arfa ha'm liralar shertip, onı quwanıshlı tu'rde o'tkeriwi tiyis edi.
28 Qosıqshılar Erusalimnin' a'tirapındag'ı u'lkelerden, netofalılardın' awıllarınan,
29 eyt-Gilgaldan ha'm Geba menen Azmawet jerlerinen keldi. Sebebi qosıqshılar Erusalim a'tirapınan o'zleri ushın awıllar qurıp alg'an edi.
30 Ruwxaniyler menen lebiyliler da'slep o'zlerin pa'klew ra'siminen o'tkerdi, son'ınan xalıqtı, da'rwazalardı ha'm diywaldı pa'kledi.
31 Sonda men Yahuda basshıların diywaldın' u'stine shıg'ardım ha'm ta'riyiplew qosıqların aytatug'ın u'lken eki topardı tayınladım. Olardın' birewi diywaldın' on' ta'repi boylap, Tezek da'rwazasına qaray ju'rdi.
32 Olardın' izinen Hoshaya ha'm Yahuda basshılarının' yarımı,
33 Azariya, Ezra, Meshullam,
34 Yahuda, Benyamin, Shemaya, Eremiya,
35 ha'm ka'rnay shertken bir neshe ruwxaniyler ju'rdi. Olardan biri İonatan ulı Zexariya bolıp, İonatan Shemaya ulı, Shemaya Mattaniya ulı, Mattaniya Mixaya ulı, Mixaya Zakkur ulı, Zakkur Asaf ulı edi.
36 Zexariyanın' tuwısqanları Shemaya, Azarel, Milalay, Gilalay, Maay, Netanel, Yahuda ha'm Xananiy Qudaydın' adamı bolg'an Dawıttın' saz a'sbaplarına uqsag'an a'sbaplardı shertip ju'rdi. Olardın' aldında ulama Ezra ju'rdi.
37 Olar Bulaq da'rwazasınan o'tip, Dawıttın' qalasının' diywalına qaray ko'teriletug'ın teksheler arqalı Dawıttın' sarayının' u'stingi ta'repinen kesip o'tip, shıg'ıs ta'reptegi Suw da'rwazasına qaray ketti.
38 Ta'riyiplew qosıqların aytatug'ın ekinshi topar diywaldın' u'sti boylap, shep ta'repke qaray ju'rdi. Men de xalıqtın' yarımı menen birge olardın' izine erdim. Bizler Tandırlar minarasınan o'tip, Ken' diywalg'a qaray ju'rdik.
39 Efrayım da'rwazasın, Eshana da'rwazasın, Balıq da'rwazasın, Xananel minarasın, Ju'zlik minarasın ha'm Qoy da'rwazasın basıp o'tip, Saqshılar da'rwazasına kelip toqtadıq.
40 Keyin ta'riyiplew qosıqların aytatug'ın eki topar Qudaydın' İbadatxanasındag'ı o'zlerinin' ornında turdı. Men de, menin' janımda bolg'an basshılardın' yarımı da sol jerde turdı.
41 Ruwxaniyler: Elyakim, Maaseya, Minyamin, Mixaya, Elyoenay, Zexariya, Xananiya janımda ka'rnay shertip ju'rdi.
42 Ja'ne de, Maaseya, Shemaya, Elazar, Uzziy, Ehoxanan, Malkiya, Elam ha'm Ezer de bar edi. Qosıqshılar İzraxiyanın' basshılıg'ında baqırıp qosıq ayttı.
43 Sol ku'ni ko'p qurbanlıqlar berildi. Xalıq shadlıqqa bo'lendi, sebebi Quday olarg'a u'lken quwanısh sıylag'an edi. Hayallar da, balalar da shadlıqqa bo'lendi, Erusalimnin' shadlıg'ı uzaquzaqlarg'a esitilip turdı.
44 Sol ku'ni berilgen sadaqalar, da'slepki o'nimler ha'm u'sirler saqlanatug'ın bo'lmeler u'stinen juwapker adamlar xızmetke qoyıldı. Ha'mme yahudalılardın' ruwxaniyler menen lebiylilerdin' xızmetinen kewli toq bolg'anlıqtan, Nızam boyınsha qalalardın' a'tirapındag'ı egislik jerlerden jıynalatug'ın, ruwxaniyler menen lebiylilerge arnalg'an u'lesler usı bo'lmelerge alıp kelindi.
45 Ruwxaniyler menen lebiyliler o'zlerinin' Qudayının' xızmetin ha'm pa'klew xızmetin alıp bardı. Qosıqshılar menen da'rwaza qarawılları da Dawıttın' ha'm onın' ulı Sulaymannın' ko'rsetpesi boyınsha o'z xızmetlerin atqardı.
46 O'ytkeni burınnan Dawıt penen Asaftın' da'wirinde qosıqshılarg'a jetekshi qoyılg'an bolıp, Qudayg'a arnap alg'ıs-maqtaw ha'm ta'riyiplew qosıqların aytatug'ın edi.
47 Zerubbabeldin' ha'm Nexemiyanın' zamanında pu'tkil İzrail xalqı qosıqshılar menen qarawıllardı ku'ndelikli azıq-awqat penen ta'miyinlep turdı. Xalıq lebiylilerge o'z u'leslerin ayırıp berdi, lebiyliler de Xaron urpaqlarına, yag'nıy ruwxaniylerge tiyislisin ajıratıp berdi.
