Eremiya 32 bob
1 Yahuda patshası Sedekiyanın' patshalıg'ının' onınshı jılında Eremiyag'a Jaratqan İyeden so'z tu'sti. Sol jılı Nabuxodonosordın' patshalıg'ının' on segizinshi jılı edi.
2 ol waqıtta Babiloniya patshasının' la'shkerleri Erusalimdi qamal qılıp turg'an, al payg'ambar Eremiya Yahuda patshasının' sarayındag'ı saqshılar ha'wlisinde qamaqta saqlanıp atırg'an edi.
3 Yahuda patshası Sedekiya onı qamap qoyıp, sen ne ushın bulay payg'ambarshılıq ettin' dedi: «Jaratqan İye bılay deydi: Men bul qalanı Babiloniya patshasının' qolına beremen, ol qalanı basıp aladı.
4 Yahuda patshası Sedekiya kaldeylerdin' qolınan qutıla almaydı, ol Babiloniya patshasının' qolına tapsırıladı ha'm onı o'z ko'zleri menen ko'rip, onın' menen ju'zbe-ju'z so'ylesedi.
5 Ol Sedekiyanı Babilong'a alıp ketedi. Men Sedekiyag'a kewil awdarmag'anımsha, ol sol jerde qaladı, – deydi Jaratqan İye, – Kaldeylerge qarsı gu'ressen'iz de, jen'iske erispeysiz».
6 Eremiya bılay dep juwap berdi: – Mag'an Jaratqan İyeden mınaday so'z tu'sti:
7 «Ag'an' Shallumnın' ulı Xanamel kelip, sag'an: „Menin' Anatottag'ı atızımdı satıp al. Menin' en' jaqın ag'ayinim bolg'anın' sebepli, onı satıp alıwg'a haqın' bar ha'm bug'an minnetlisen'“, – deydi».
8 Son'ınan Jaratqan İyenin' aytqanınday, ag'amnın' ulı Xanamel saqshılar ha'wlisine, mag'an kelip: «Benyamin jeri aymag'ındag'ı Anatottag'ı atızımdı satıp al. Onı satıp alıp, o'z wazıypan'dı orınla. Onı satıp alsa», – dedi. Sonda men bul so'zdin' Jaratqan İyeden tu'skenin bildim.
9 Keyin men Anatottag'ı atızdı ag'amnın' ulı Xanamelden satıp aldım. Og'an on jeti shekel gu'misti o'lshep berdim.
10 Aldı-sattı sha'rtnamasına qol qoyıp, mo'rimdi bastım ha'm gu'walardı shaqırıp, gu'misti o'lshep berdim.
11 Men nızam-qag'ıydaları jazılg'an mo'rlengen sha'rtnamanın' tu'p nusqasın ha'm mo'rlenbegen bir nusqasın alıp,
12 bul aldı-sattı sha'rtnamasın ag'amnın' ulı Xanameldin', og'an qol qoyg'an gu'walardın' ha'm saqshılar ha'wlisinde menin' menen qamaqta otırg'an barlıq yahudiylerdin' ko'z aldında Maxseyanın' aqlıg'ı Neriyanın' ulı Baruxqa berdim.
13 Olardın' ko'z aldında Baruxqa bılay dep tapsırma berdim:
14 «İzraildın' Qudayı A'lemnin' Jaratqan İyesi bılay deydi: Bul aldısattı sha'rtnamasının' mo'rlengen ha'm mo'rlenbegen nusqaların alıp, uzaq waqıt saqlanıwı ushın, ılay gu'zege salıp qoy.
15 Sebebi İzraildın' Qudayı A'lemnin' Jaratqan İyesi bılay deydi: Bul jerde ja'ne u'yler, atızlar ha'm ju'zimzarlar satıp alınadı».
16 Sebebi İzraildın' Qudayı A'lemnin' Jaratqan İyesi bılay deydi: Bul jerde ja'ne u'yler, atızlar ha'm ju'zimzarlar satıp alınadı».
17 «O, Quday İye! Ullı qu'diretin' ha'm sozılg'an qolın' menen Sen ko'klerdi ha'm jerdi jarattın'. Sag'an mu'mkin emes na'rsenin' o'zi joq.
18 «O, Quday İye! Ullı qu'diretin' ha'm sozılg'an qolın' menen Sen ko'klerdi ha'm jerdi jarattın'. Sag'an mu'mkin emes na'rsenin' o'zi joq.
19 Senin' niyetlerin' ullı ha'm islerin' qu'diretli. Sen adamzattın' jollarının' ha'mmesin ko'rip turasan', ha'r bir adamg'a tutqan jolına, isinin' miywesine jarasa qaytarasan'.
20 Sen Mısırda belgiler ha'm ka'ramatlar ko'rsettin'. Ha'zirge deyin bulardı İzrailda ha'm adamzat arasında ko'rsetip, ha'zirgi ku'nge shekem O'zin'di dan'qqa bo'ledin'.
21 Belgiler ha'm ka'ramatlar menen, ku'shli ha'm sozılg'an qolın' menen ha'm ullı aybatın' menen xalqın' İzraildı Mısır jerinen alıp shıqtın'.
22 Ata-babalarına beremen dep ant ishken bul jerdi, su't ha'm pal ag'ıp turg'an jerdi olarg'a berdin'.
23 Olar kelip, sol jerdi iyelep aldı. Biraq Sag'an qulaq aspadı, Senin' Nızamın'a say jasamadı ha'm Sen buyırg'an islerdi qılmadı. Sonlıqtan Sen bul apatlardın' ha'mmesin olardın' basına jawdırdın'.
24 Qara, dushpanlar qalanı qolg'a kirgiziw ushın topıraq u'ymekte. Qılısh, ashlıq ha'm oba sebepli qala o'zine hu'jim qılg'an kaldeylerdin' qolına tu'sti. Ko'rip turg'anın'day, aytqanların' ju'zege astı.
25 O Quday İye, qala kaldeylerdin' qolına berilgen bolsa da, Sen mag'an: Gu'walardın' qatnasıwında gu'miske atız satıp al, – dedin'».
26 Bunnan keyin Eremiyag'a Jaratqan İyeden so'z tu'sti:
27 – Men – pu'tkil adamzattın' Qudayı Jaratqan İyemen. Mag'an mu'mkin emes na'rsenin' o'zi bar ma?
28 Sonlıqtan Jaratqan İye bolg'an Men bılay deymen: «Men bul qalanı kaldeylerge ha'm Babiloniya patshası Nabuxodonosorg'a beremen. Olar qalanı qolg'a aladı.
29 Bul qalag'a hu'jim qılatug'ın kaldeyler kelip, og'an ot qoyadı. U'sheklerinde Baal butına xosh iyisli tu'tetkiler tu'tetken ha'm basqa qudaylarg'a ishimlik sadaqaların quyıp, Menin' qa'ha'rimdi keltirgen adamlardın' u'ylerin tolıq o'rtep jiberedi.
30 İzrail ha'm Yahuda xalqı jaslıg'ınan Menin' na'zerimde jawız bolg'an islerdi isledi. Awa, İzrail xalqı qollarının' isi menen ba'rqulla Menin' g'a'zebimdi keltirdi, – deydi Jaratqan İye.
31 – Bul qala bina bolg'annan baslap, bu'ginge deyin qala xalqı Menin' g'a'zebimdi keltirdi. Sonlıqtan onı da'rgayımnan quwıp jiberemen.
32 İzrail ha'm Yahuda xalqı, olardın' patshaları, ha'meldarları, ruwxaniyleri, payg'ambarları, Yahuda ha'm Erusalim turg'ınları – barlıg'ı jawız isler islep, Menin' g'a'zebimdi keltirdi.
33 Olar Mag'an ju'zin emes, al arqasın qarattı. Men olarg'a zinharlap u'yrettim, biraq olar tın'lamadı, ta'rbiyamdı almadı, na'siyatımdı qabıl etpedi.
34 Menin' atım menen atalatug'ın u'yge jerkenishli zatların qoyıp, onı haramladı.
35 Ul ha'm qızların Molox butına arnap otta jag'ıp qurbanlıqqa beriw ushın, Baalg'a arnap BenHinnom oypatlıg'ına sıyınıw orınların qurdı. Bunday jerkenishli isti qılıp, Yahudanın' gu'nag'a batıwın Men buyırmag'anman, ha'tte, bul qıyalıma da kelmegen».
36 Biraq sizler: «Qılısh, ashlıq ha'm illet sebepli Babiloniya patshasına beriledi», – dep aytqan bul qala tuwralı İzraildın' Qudayı Jaratqan İye bılay deydi:
37 «Men xalqımdı qa'ha'rim, g'a'zebim ha'm ashıwım menen ha'mme jerge tarqatıp jibergen edim, endi olardı jıynap alaman. Olardı qaytarıp bul jerge alıp kelip, qa'wipsizlikte jasataman.
38 Olar Menin' xalqım boladı, Men de olardın' Qudayı bolaman.
39 Olar ba'rqulla Mennen qorqıp jasaytug'ın bir maqsetke bag'darlang'an jol beremen. Bul olardın' o'zleri ushın da, o'zlerinen keyingi balaları ushın da jaqsı boladı.
40 Men olar menen ma'n'gilik kelisim du'zemen. Olarg'a jaqsılıq qılıwdan qashpayman. Mennen ju'z burıp ketpewi ushın, olardın' ju'regine O'zimnen qorqıw sezimin salıp qoyaman.
41 Men olarg'a quwanısh penen jaqsılıq qılaman, sadıqlıq penen shın ju'rekten ha'm jan-ta'nim menen olardı usı jerge ornalastıraman».
42 Jaratqan İye bılay deydi: «Bul xalıqtın' basına ullı apatshılıqlardı qalay salg'an bolsam, olarg'a wa'de etken jaqsılıqlardı da solay jawdıraman.
43 Sizlerdin': „Kaldeylerge berilip, adamsız ha'm haywansız qan'ırap qalg'an jer“, – dep aytıp ju'rgen bul jerde ja'ne de atızlar satıp alınadı.
44 Benyamin jerinde, Erusalimnin' aylanasındag'ı jerlerde, Yahuda dalalarında, tawlı aymaqlarda, batıstag'ı taw eteklerinde ha'm Negeb jerlerinde atızlar gu'miske satıp alınıp, sha'rtnamalarg'a qol qoyılıp, mo'r basılıp, gu'walar shaqırıladı. Sebebi Men olardın' burıng'ı abadanshılıg'ın qayta tikleymen», – deydi Jaratqan İye.
