Shıg'ıw 39 bob
1 Olar qızg'ısh ko'k, shım qızıl ha'm qırmızı jipten Muxaddes orında xızmet etken waqıtta kiyiwi ushın, ruwxaniylerge a'jayıp qılıp kiyimler tikti. Xarong'a da muxaddes kiyimler tikti. Ha'mmesin Jaratqan İyenin' Muwsag'a buyırg'anınday etip isledi.
2 Efodtı altın sabaq, qızg'ısh ko'k, shım qızıl ha'm qırmızı jip penen hasıl zıg'ır jipten isledi.
3 Altındı juqalap, jin'ishke qılıp kesip, qızg'ısh ko'k, shım qızıl, qırmızı jip ha'm hasıl zıg'ırg'a aralastırıp, sheberlik penen kestelew ushın, jip iyirdi.
4 Efodtın' aldıng'ı ha'm artqı ta'replerin bir-biri menen biriktiriw ushın, iyin arqalı o'tetug'ın eki baw tikti.
5 Efodtın' joqarısına biriktirilgen halda bir belbew isledi. Bul efod sıyaqlı altın sabaq, qızg'ısh ko'k, shım qızıl, qırmızı jip ha'm hasıl zıg'ır jipten islendi. Ha'mmesin Jaratqan İyenin' Muwsag'a buyırg'anınday etip isledi.
6 Keyin İzrail ullarının' atların eki oniks tasına mo'r sıyaqlı etip, oyıp jazdı. Jazılg'an taslardı o'rilgen altın qasnaqlardın' ishine qoyıp,
7 İzraildın' on eki urıwın esletip turıw ushın, efodtın' iyin bawlarına ornattı. Bular da Jaratqan İyenin' Muwsag'a buyırg'anınday etip islendi.
8 Qaltalı o'n'irshe de efod sıyaqlı altın sabaq, qızg'ısh ko'k, shım qızıl, qırmızı jip ha'm hasıl zıg'ır jipten sheberlik penen nag'ıslap islendi.
9 Ol to'rt mu'yeshli ha'm eki qabatlı bolıp, uzınlıg'ı da bir qarıs, eni de bir qarıs edi.
10 O'n'irshege to'rt qatar qılıp hasıl taslar qadaldı. Birinshi qatarda serdolik, xrizolit ha'm zu'mret,
11 ekinshi qatarda periwza, lazurit ha'm gagat,
12 u'shinshi qatarda yaqıt, agat ha'm ametist,
13 to'rtinshi qatarda sarı yaqıt, oniks ha'm yashma boldı. Taslar o'rilgen altın qasnaqlarg'a ornatılg'an edi.
14 Taslar on eki bolıp, olarda mo'r oyılg'anday qılıp, İzraildın' on eki ulının' atları birme-bir oyılıp jazılg'an edi. Bul taslar İzraildın' on eki urıwının' tımsalı edi.
15 Keyin qaltalı o'n'irshe ushın sap altınnan o'rilgen shınjırlar isledi.
16 Ja'ne de, eki o'rilgen altın qasnaq ha'm eki altın halqa islep, halqalardı o'n'irshenin' u'stingi eki mu'yeshine taqtı.
17 O'rilgen eki altın shınjırdın' bir ushın o'n'irshedegi halqalarg'a ildirdi.
18 Shınjırlardın' ekinshi ushın eki qasnaqqa bekkemlep, efodtın' aldı betine, iyin bawlarg'a bayladı.
19 Eki altın halqa islep, o'n'irshenin' astıng'ı eki shetine, efodqa jaqın bolg'an ishki jiyegine taqtı.
20 0 Ja'ne eki altın halqa islep, efodtın' aldı betindegi iyin bawlardın' astınan, tigiske jaqın qılıp, belbewdin' joqarısınan taqtı.
21 Qaltalı o'n'irshenin' halqaları menen efodtın' halqaların qızg'ısh ko'k bawlar menen bir-birine bayladı. Solay etip, o'n'irshe efodtan ayırılmay, efodtın' belbewinin' joqarısında turatug'ın boldı. Ha'mmesin Jaratqan İyenin' Muwsag'a buyırg'anınday etip isledi.
22 Efodtın' ishinen kiyiletug'ın bahalı kiyimdi tolıq qızg'ısh ko'k jipten toqıdı.
23 Onda bas sıyatug'ın orın bolıp, so'tilip ketpewi ushın, onın' jiyeklerin aylandırıp toqıdı.
24 Kiyimnin' etegine qızg'ısh ko'k, shım qızıl, qırmızı jip ha'm hasıl zıg'ır jipten islengen anardı ha'm onın' aralarına sap altınnan islengen qon'ırawlardı aylandırıp gezekpe-gezek tag'ıp shıqtı.
25 Xaron xızmet etkende usı kiyimdi kiyetug'ın edi.
26 Bulardı da Jaratqan İyenin' Muwsag'a buyırg'anınday etip isledi.
27 Xaron ha'm onın' ulları ushın, hasıl zıg'ırdan toqılg'an uzın ko'yleklerdi,
28 ha'm hasıl zıg'ırdan sa'lleni, kishigirim sa'llelerdi ha'm diz kiyimlerdi isledi.
29 Belbewdi de hasıl zıg'ır, qızg'ısh ko'k, shım qızıl ha'm qırmızı jiplerden nag'ıslap toqıdı. Ha'mmesin Jaratqan İyenin' Muwsag'a buyırg'anınday qılıp isledi.
30 ap altınnan taj sıyaqlı muxaddes man'laysha islep, u'stine mo'r oyg'anday qılıp: «Jaratqan İyege bag'ıshlang'an» dep jazdı.
31 Bul man'laysha sa'llege qızg'ısh ko'k baw menen baylandı. Ha'mmesin Jaratqan İyenin' Muwsag'a buyırg'anınday etip isledi.
32 Solay etip, Muxaddes shatırdın', yag'nıy Ushırasıw shatırının' barlıq isleri tamamlandı. İzraillılar ha'r bir na'rseni Jaratqan İyenin' Muwsag'a buyırg'anınday qılıp isledi.
33 Son'ınan olar Muwsag'a shatır ha'm onın' barlıq buyımların alıp keldi. Bular mınalardan ibarat edi: shatırdın' perdeleri, ilmekleri, taxtayları, qadaları, baqanları, ultanları,
34 ızılg'a boyalg'an qoshqar terisinen ha'm jumsaq teriden islengen japqıshlar, ishki bo'lmenin' perdesi,
35 Kelisim sandıg'ı, onın' sırıqları ha'm qaqpag'ı,
36 stol, onın' barlıq buyımları ha'm usınılg'an nanlar,
37 sap altınnan islengen shıra qoyg'ısh, onın' u'stine bir qatar etip qoyılg'an shıralar, onın' barlıq buyımları ha'm shıralarg'a quyılatug'ın za'ytu'n mayı,
38 tu'tetki tu'tetiletug'ın altın orın, maylaw ra'simi ushın za'ytu'n mayı, xosh iyisli tu'tetki, shatırdın' kirer awzı ushın perde
39 andırılatug'ın qurbanlıq ushın qoladan islengen orın, onın' qoladan islengen torı, sırıqları ha'm barlıq buyımları, u'lken la'gen ha'm onın' tuyaqları,
40 ha'wlinin' perdeleri, baqanları, ultanları, ha'wlinin' kirer awzındag'ı perdesi, arqanları, qazıqları, shatırda xızmet etkende qollanılatug'ın barlıq na'rseler,
41 Muxaddes orında xızmet etiwge arnalıp, a'jayıp qılıp tigilgen kiyimler – ruwxaniy Xaronnın' muxaddes kiyimleri ha'm onın' ullarının' ruwxaniylik kiyimleri.
42 Usılardın' ha'mmesin izraillılar Jaratqan İyenin' Muwsag'a buyırg'anınday qılıp isledi.
43 Muwsa barlıq islerdin' Jaratqan İyenin' buyırg'anınday qılıp islengenin ko'rgende, olarg'a aq pa'tiyasın berdi.
