Amos 9 bob
1 Men İyeni ko'rdim, Ol qurbanlıq orınnın' qasında turıp, bılay dedi: «Tirep turg'an su'tinlerdin' to'besine urın', Bosag'aları la'rzege kelsin. Olar adamlardın' u'stine qulasın, Aman qalg'anların qılısh ju'zinen o'tkeremen, Olardan hesh biri qashıp kete almaydı, Birewi de aman qalmaydı.
2 Ha'tteki, olar o'liler ma'kanına kirse de, Qolımdı sozıp, shıg'arıp alaman. Ko'klerge shıg'ıp alsa da, Ol jerden tartıp tu'siremen.
3 Karmel tawının' joqarısına jasırınıp alsa da, Olardın' izine tu'sip, tawıp alaman. Mennen jasırınıw ushın ten'iz tu'bine tu'sse de, Ten'iz jılanına buyırıp, olardı shaqtıraman.
4 Dushpanlar olardı su'rgin qılıp alıp ketse de, Qılıshqa buyrıq berip, ha'mmesin qırıp taslataman. Jaqsılıq ushın emes, al jamanlıq ushın, Olarg'a O'z na'zerimdi taslayman».
5 İye, A'lemnin' Jaratqan İyesi, Jerge qol tiygizgende, jer erip ketedi, Onda jasaytug'ınlardın' ha'mmesi qayg'ıg'a batadı. Pu'tkil jer ju'zi Nil da'ryasınday tasıp, ko'teriledi, Mısırdag'ı Nil da'ryası sıyaqlı qaytadan to'menleydi+ye, A'lemnin' Jaratqan İyesi, Jerge qol tiygizgende, jer erip ketedi, Onda jasaytug'ınlardın' ha'mmesi qayg'ıg'a batadı. Pu'tkil jer ju'zi Nil da'ryasınday tasıp, ko'teriledi, Mısırdag'ı Nil da'ryası sıyaqlı qaytadan to'menleydi+ye, A'lemnin' Jaratqan İyesi, Jerge qol tiygizgende, jer erip ketedi, Onda jasaytug'ınlardın' ha'mmesi qayg'ıg'a batadı. Pu'tkil jer ju'zi Nil da'ryasınday tasıp, ko'teriledi, Mısırdag'ı Nil da'ryası sıyaqlı qaytadan to'menleydi.
6 Ol sarayının' joqarg'ı bo'lmesin ko'kke qurdı, Onın' tiykarın jer ju'zine ornattı. Ol ten'iz suwların jıynap, jer ju'zine to'gedi, Onın' atı Jaratqan İye.
7 Jaratqan İye bılay deydi: «Ha'y, İzrail xalqı, Menin' ushın kushlılardan qanday ayırmashılıg'ın'ız bar? İzrail xalqın Mısırdan, Filist xalqın Kaftordan, Aramlılardı Kirden alıp shıqqan Men emespen be?»
8 «Mine, Quday İyenin', Menin' ko'zlerim, Gu'nakar patshalıqtın' u'stinde. Onı jer ju'zinen sıpırıp taslayman, Biraq olardı, Yaqıptın' urpaqların pu'tkilley joq qılmayman, – deydi Jaratqan İye.
9 – Mine, Men buyrıq beremen, Barlıq milletler arasındag'ı İzrail xalqın, Da'ndi elekten o'tkergendey etip, elekten o'tkeremen, Jaqsı da'nnin' birewi de jerge tu'speydi.
10 Xalqımnın' arasındag'ı barlıq gu'nakarlar, „Apattan uzaqtamız, apatqa duwshar bolmaymız“, – degenler, Qılısh ju'zinen o'tkeriledi».
11 «Sol ku'ni Dawıttın' qulag'an patshalıg'ın qaytadan tikleymen, Diywallarının' jarıq jerlerin sıbap, Buzılg'an jerlerin on'layman. Onı burıng'ı qa'lpine keltiremen.
12 Solay etip, İzrail xalqı edomlılardın' aman qalg'anlarına, Mag'an tiyisli bolg'an barlıq milletlerge iyelik etedi». Bul so'zlerdi usılardın' ha'mmesin iske asırıwshı Jaratqan İye aytpaqta.
13 Jaratqan İye bılay deydi: «Mine, mınaday ku'nler keledi, Diyxan zu'ra'a'tti jıynap, terip u'lgermesten, Kelesi jer aydaytug'ın waqıt keledi, Sharap tayarlap u'lgermesten, Ju'zimnin' miywesi ja'ne pisedi. Tawlardan mazalı sharap tamadı, Barlıq to'beshiklerden jerge ag'ıp tu'sedi.
14 Su'rgin bolg'an xalqım İzraildı qaytarıp alıp kelemen, Olar wayran bolg'an qalaların qayta tiklep, sol jerde jasaydı, Ju'zimzarlar egip, sharabın ishedi, Bag'lar otırg'ızıp, miywelerinen jeydi.
15 Men olardı o'z jerine egemen, Men bergen jerden, Olardı hesh kim suwırıp taslamaydı». Bunı Qudayın'ız Jaratqan İye aytpaqta.
