Джош Макдауэлл, Эд Стюарт. Ота-онанинг ажралиши - (4 қисм) Китоб Ўзбек тилида
«Психологик биринчи тез ёрдам» туркумидан
Ota-onaning ajralishi (Djosh Makdauell, Ed Styuart) O‘zbek tilida Audiokitob
MUNDARIJA
Minnatdorchilik
Jessikaning hikoyasi. 1-qism
O'ylab ko'rish uchun vaqt
Jessikaning hikoyasi. 2-qism
O'ylab ko'rish uchun vaqt
Jessikaning hikoyasi. 3-qism
O'ylab ko'rish uchun vaqt
Jessikaning hikoyasi. 4-qism
O'ylab ko'rish uchun vaqt
Mualliflar haqida
JESSIKANING HIKOYASI. 4-QISM
Jenni Jessika bilan bo‘lgan uchta uchrashuvidan oxirgisiga Dag Shou kelib, shanba kuni yolg‘iz nonushta qilishdan charchaganini aytdi. Uchchalasi ham kulib yuborishdi. Aslida, u Jennining taklifi va Jessikaning roziligi bilan kelgan edi. Bu oy davomida Dag ham Jessikaga tasalli, qo‘llab-quvvatlash va dalda manbai bo‘ldi.
- Bu eng og‘ir hafta bo‘lsa kerak-a, Jessi? - deb so‘radi Jenni, Dag ovqatdan oldin ibodat qilganidan so‘ngra.
Jessika bosh irg‘adi.
- Ha, kecha ota-onamning ajrashgani haqida rasman xabar keldi. Bu aniq “qora juma” edi.
- O‘zingni qanday his qilyapsan? – deb so‘radi Dag.
Jessika o‘zini yetarlicha bardam his qilayotgan edi va ovozini ham shunday chiqarishga harakat qildi:
- Umuman olganda, hammasi joyida. Shu oy davomida men ota-onamning fikrini o‘zgartirishga umid qildim va ibodat qildim. Lekin bunday bo‘lmadi. - U tabassum qildi va tezda qo‘shib qo‘ydi: - Xavotir olmang, men nima bo‘layotganini inkor qilmoqchi emasman. Men onam va dadam har xil yo‘ldan ketishganini bilaman. Bu sodir bo‘lganidan afsusda bo‘lsam ham, endi buning uchun o‘zimni ayblamayman. Men ular Masihni topib, qaytadan birga bo‘lishlari uchun ibodat qilishda davom etaman.
- Bu yaxshi ibodat, - deb ishontirdi Dag.
- Kecha sen uchun qayg‘uli kun bo‘ldimi? - ehtiyotkorona so‘radi Jenni.
Jessika bir bo‘lak shved quymog‘ini chaynab, yutib bo‘ldi.
- Ha. Pochtachi kelganida men ko‘chada edim. Xatda rasmiy xabar bor edi. Onam ko‘z o‘ngimda ochdi.
- Senga qiyin bo‘lgandir, - dedi Jenni.
Jessika bir soniya o‘yladi.
- Onam yengil tortganga o‘xshaydi. O‘ylaymanki, uning munosabati xabarnomaning o‘zi kabi meni xafa qildi: uning bundan deyarli xursand bo‘lganini ko‘rish juda og‘riqli edi. Menimcha, u bir narsani tushunmaydi: onam dadam bilan ajrashgan, lekin men emas. U hali ham mening dadam va men uni yaxshi ko‘raman.
Dag xo‘rsindi.
- Jessi, dadangga bo‘lgan his-tuyg‘ularingni onang tushunmayotganidan afsusdaman.
- Rahmat, lekin men buni yengishim kerak. Jenni “vaqt davolaydi”, deb to‘g‘ri aytdi. Uchrashuvlarimiz tufayli men endi og‘riqni ancha yenga olaman. - Jessika jilmayib, Jenniga minnatdorchilik bilan qaradi.
Jenni Jessikaga ko‘z qisib so‘radi:
- Karen va Mark qanday?
- Karen hali ham ba’zan eshiklarni qattiq yopadi, lekin u sodir bo‘lgan narsaga ko‘nikib qolganga o‘xshaydi. Mark ham ochiqroq bo‘lib bormoqda. Har kuni kechqurun men u bilan bir necha daqiqa suhbatlashish uchun xonasiga kiraman. Men undan o‘zini qanday his qilayotganini so‘rasam, u odatda aytadigan gap topolmaydi. Shunday qilib, o‘tgan hafta men boshqacha yondashuvni sinab ko‘rdim: men siz bergan ro‘yxatdan foydalandim va undan: «Mark, sen onam va dadam ajrashganlari uchun xafa bo‘lganmisan?» deb so‘radim. Unga "ha" yoki "yo‘q" deb javob berish osonroq. “Ha” desa, men ham siz kabi uni yupatishga, ko‘nglini ko‘tarishga harakat qilyapman.
Jenni jilmayib:
- Ajoyib, Jessi! Bu menga Korinfliklarga ikkinchi maktubning birinchi bobidagi uchinchi va to‘rtinchi oyatlarni eslatadi. Sen o‘zing olgan tasalli bilan Markni yupatyapsan. - Keyin u Dagga yuzlandi: - Menimcha, Jessi Elison bilan uchrashishga tayyor. Nima deb o‘ylaysan?
Dag jilmayib, bosh irg‘adi.
Jenni yana Jessikaga yuzlandi.
- Elison Gilbert yoshlar guruhimizdagi yangi qiz, u yettinchi sinfda o‘qiydi. O‘tgan hafta ota-onasi bahorda ajrashganini bildik. U bu yerga onasi bilan ko‘chib kelgan. Dag va men sendan u bilan uchrashishingni va tajribang bilan bo‘lishishingni so‘ramoqchi edik.
Jessika bir vaqtning o‘zida ham xursand bo‘ldi, ham qo‘rqib ketdi.
- Bilmayman... Men maslahatchi emasman. Men Muqaddas Kitobni unchalik yaxshi bilmayman...
- Biz sendan uning maslahatchisi bo‘lishingni so‘ramayapmiz, - dedi Dag. - Biz sendan Markga tasalli va dalda berganingdek, unga ham tasalli va dalda berishingni so‘raymiz. Unga o‘z kechinmangni aytib ber, ota-onangning ajrashishi paytida olgan tajribang bilan o‘rtoqlash. Sen buni qila olasanmi?
Jessika goh Dagga, goh Jenniga nigohini qaratardi.
- Ya’ni, u bilan xuddi Mark bilan gaplashgandek gaplashish uchunmi? - deb so‘radi u. – Shu xolosmi?
Dag va Jenni bir vaqtning o‘zida bosh irg‘adilar.
To‘satdan Jessika uchun hamma narsa juda oddiy bo‘lib qoldi.
- Albatta, men qila olaman, - dedi u. - U bilan qachon uchrashishim kerak?
- Quymoqni yeb tugatmasimdan oldin emas, - dedi Dag xushmuomalalik bilan kulib.
Книга на Узбекском языке: Развод родителей (Джош Макдауэлл, Эд Стюарт)
В этой книге речь пойдет о трудностях, которые переживает подросток при разводе родителей.
Когда пятнадцатилетняя Джессика Инграм услышала, что ее родители разводятся, она поняла - с этого момента ее жизнь изменится навсегда. Что делать, когда кажется, что вместе с распадом семьи рушится весь твой мир?
Авторы предлагают библейскийответ на вопрос, что можно сделать в подобной ситуации. Если ты столкнулся с такой бедой, то из этой книги ты узнаешь, как справиться с ее последствиями и адаптироваться к переменам.
А если у тебя есть друг, который, подобно Джессике, переживает из-за развода родителей, то в этой книге ты найдешь практические советы, как утешить, поддержать и ободрить его.
