Вера Самарина. Ҳомиладорлигим кундалиги - (14 ҳафта — 98 кун) Китоб Ўзбек тилида
Homiladorligim kundaligi (Vera Samarina) O‘zbek tilida Audiokitob
Мазкур китобни мен
қизим Аринушкага ва
ёруғ дунёга келадиган
барча болаларга бағишлайман.
14 ҳафта — 98 кун
Салом, онажон!
Мен кафтингиздай катта бўлиб қолганман. Орқа миямдан оёқ ва қўлларим мушакларига борган сигналлар туфайли ҳаракатларим бир текис ва майин бўлиб қолган. Айрим пайтларда сувдаги гимнастикачига ўхшайман!
Суякларим ўсиб, анча қотган, чунки уларда кальций ва фосфор тузлари йиғилиб турибди. Суякларим ичида илик учун қувурчалар бор, қоним энди жигаримда эмас, илигимда ишлаб чиқарилади, чунки бу анча бехатар жой. Бу ерда эритроцитларим янги турдаги «етилган» гемоглобин билан тўлдирилади, ахир, мен туғилишга тайёрланишим керак! Яқинда илигимда қоннинг оқ таначалари — лейкоцитлар — ишлаб чиқарила бошлади. Мен туғилганимдан кейин, лейкоцитлар мени турли хил микроблардан ҳимоя қилади.
Ошқозон ости безидаги Лангерганс оролчаларининг махсус ҳужайралари янада кўпроқ инсулинни ишлаб чиқармоқда, улар ёрдамида мен эҳтиёт шарт кўпроқ гликогенни ғамлаб қўйяпман ва ёғ йиғяпман. Йўлдошим ичида прогестерон гормонининг ишлаб чиқарилиши ҳам тобора кўпайиб бормоқда. Бу гормон мен учун жуда фойдали. Сизга ҳам бу гормон ҳақиқий валерьянкадай таъсир қилади: у тинчланишингизга ва ўзингизни яхши сезишингизга ёрдам беради.
Ҳомила тушиб қолмаслиги учун, прогестерон бачадон мушакларини бўшаштиради! Бу яхши, аммо шу билан бирга прогестерон тўғри ичакнинг мушакларига ҳам таъсир қилади, натижада сизда ич қотиш юзага келиши мумкин. Шу сабабдан, парҳез қилишингиз ниҳоятда ўринли: кўпроқ хўл мева ва сабзавотларни истеъмол қилинг, қора нон ва сули ёрмасидан енг.
Отамга салом айтинг! Қучоқлаб ва ўпиб қоламан!
Севги билан Асалтойингиз
Нажотиму шарафим Худодан келар
Қудратли қояму паноҳим Удир.
Забур 61:8
Ҳомиладор аёлларга сурги дориларни ичиш қатъиян ман этилади — улар таъсирида ҳомила тушиб қолиши мумкин. Бу нафақат кимёвий дориларга, балки равоч, итшумурт пўстлоғи ва пичан барглари каби табиий ўтларга ҳам тааллуқлидир. Бу ўсимликларнинг дамламалари қоринда тўлғоқ каби оғриқларни келтириб чиқариб, ичбуруққа сабаб бўлади.
Книга на Узбекском языке: Дневник моей беременности (Вера Самарина)
Предлагаемая Вашему вниманию книга состоит из двух частей. Первая что "письма" еще не рожденного малыша, адресованные маме и папе. Материал основан на изучении работ по внутриутробному развитию ребенка, в том числе самого полного атласа по эмбриологии человека академика Л. И. Фалина, монографии "Физиологин плода и детей" под ред. проф. В. Д. Глебовского, а также учебника по эмбриологии человека под ред. проф. Э. И. Вальковича. Вторая часть книги содержит информацию, которая поможет Вам выбрать имя своему ребенку. Автор предлагает список имен, включающий в себя имена библейских персонажей с краткими историями их жизни.
