Джош Макдауелл. Отанинг 10 мажбурияти - (Аудиокитоб) Ўзбек тилида
Otaning 10 majburiyati (Josh Makdauell) O‘zbek tilida Audiokitob
Agar siz surunkali uyqusizlik tufayli ishda uxlamaslikka harakat qilayotgan yosh ota bo‘lsangiz, yoki yillar davomida ota-onangiz bilan bo‘lgan qarama-qarshiliklarda toblangan tajribali ota bo‘lsangiz, bu kitob sizlar uchun! Mashhur amerikalik voiz Josh Madauellning kitobida muallif o‘z farzandlarida Rabbiyga va ota-onalarga hurmatni oshirish uchun Xudo oldida, oilasi oldida va o‘zi oldida zimmasiga olgan majburiyatlari haqida hikoya qilinadi. Farzandlariga teran va samarali ta'sir ko‘rsatishni xohlaydigan yosh va tajribali otalarga muallifning shaxsiy tajribasi va Kalomning donoligiga asoslangan amaliy tavsiyalari foydali bo‘ladi.
MUNDARIJA
Kirish. Shon Makdauellning so‘zi
1-BOB. Xo‘sh, ota nima qilishi kerak?
2-BOB. Birinchi majburiyat: Har doim bolaga haqiqatni mehr bilan aytishga harakat qilish
3-BOB. Ikkinchi majburiyat: Bolaning o‘rniga emas, uning oldida javobgar bo‘lishga harakat qilish. Birinchi qism
4-BOB. Ikkinchi majburiyat: Bolaning o‘rniga emas, uning oldida javobgar bo‘lishga harakat qilish. Ikkinchi qism
5-BOB. Uchinchi majburiyat: Bola uchun taqlid namunasi bo‘lishga harakat qilish
6-BOB. To‘rtinchi majburiyat: Bolaga xudo kimligi va u kimga o‘xshashligini tushuntirishga harakat qilish
7-BOB. Beshinchi majburiyat: Bolaga xudbin bo‘lmaslikni o‘rgatishga harakat qilish
8-BOB. Oltinchi majburiyat: Bolaga haqiqiy sevgi nima ekanligini tushuntirishga harakat qilish
9-BOB. Yettinchi majburiyat: Bolaga yaxshilikni yomonlikdan ajratishni o‘rgatishga harakat qilish
10-BOB. Sakkizinchi majburiyat: Bolaga jinsiy munosabatlarning ilohiy mazmunini tushuntirishga harakat qilish
11-BOB. To‘qqizinchi majburiyat: Nima uchun biz o‘zimiz ishonayotgan narsalarga ishonishimizni bolaga tushuntirishga harakat qilish
12-BOB. O‘ninchi majburiyat: Bolada minnatdor qalbni tarbiyalashga harakat qilish
SO‘NGGI SO‘Z. “Men iloji bo‘lgan hamma narsani qilaman”
КИРИШ
Ота бўлиш осон эмас. Ўзим ота ролидан мамнун эканлигим ва уни дунёдаги ҳеч бир нарса учун бошқа ролга алмашмаслигимга қарамай, кўпинча ўкириб сочимни юлгим келиб қолади: «Бунақаси кетмайди! Мен бунга кўнмаганман!»
Хотиним иккаламиз бор кучимиз билан дунёдаги энг яхши ота–она бўлишга интилаяпмиз, лекин боши берк кўчага кириб қолганимда, кўпинча ўзимдан сўрайман: «WWJD?»* Йўқ, мен “Исо нима қилган бўларди?” деган саволни ўзимга бермайман, гарчи само девонхонаси билан болалар тарбияси масаласида бевосита алоқа жуда ўринли бўладиган бўлса–да. Қолаверса, қанчалик ғамгин бўлмасин, Худо бу масалада ўта қисқа иш тутган ва қандай қилиб яхши ота бўлиш борасида батафсил йўриқномалар қолдирмаган. Моҳиятан, у айтган нарсалардан кўпи очиқ мунозараталаб хусусиятга эга (масалан, Лқ. 14:26 да).
WWJD деганда мен “Жош нима қилган бўларди?” деган иборани назарда тутаяпман**. Отамнинг китоби у бизнинг тарбиямиз бўйича асосий ташвиш онамнинг елкасида бўлганини тан олишидан бошланади, чунки у сайёр ваъзхон бўлган. Шунга қарамай, менинг ота–онам жипслашган жамоа бўлган ва шундай бўлиб қолмоқда. Улар мукаммалликдан узоқда бўлишганми? Турган гап. Отам кўплаб хатолар қилган, уларни ўз китобининг Биринчи бобида тан олган. Социология фанининг барча қонуниятларига кўра ва унинг ўзи ўсган даҳшатли ҳолатларни ҳисобга олганда, уни тўла барбод бўлиш кутиб турарди. (Бу ҳақда бир дақиқадан сўнг батафсил гапирилади).
__________________________
* Протестант масиҳийлари орасида тарқалган инглизча «What Would Jesus Do?» («Исо нима қилган бўларди?) иборасининг қисқартмаси. — Бу ерда ва бундан буён қўшимча кўрсатиб ўтилмаганларидан ташқари, сатр остидаги барча эслатмалар таржимонга тегишли.
** “Жош нима қилган бўларди?” ибораси инглизчада «What Would Josh Do?» тарзида талаффуз қилинади.
Отамга хос бўлган камчиликларга қарамай, у бизларни, яъни ўз фарзандларини бизга зарур бўлган меҳр муҳитида тарбиялай олди ва мен ўзимнинг уч нафар фарзандим учун шундай қила оламан, деган умиддаман.
Мана шу мен отамдан бу китоб учун миннатдорлигим боисидир. Сиз ундан муносиб фарзандлар тарбиялашни истаётган оталар, гўёки бола тарбияси таом тайёрлаш санъати ёки таътилни режалаштириш санъати каби (гарчи уни пухта режалаштириш сизга муваффақиятни кафолатлаб бермаслиги ҳаммага маълум бўлса–да), нима қилиши кераклиги ёки керак эмаслигининг оддий рўйхатини топа олмайсиз. Ҳаммамиз биламизки, тарбия, юмшоқроқ қилиб айтганда, оддий иш эмас. Бу китоб — менинг отамнинг шахсий тажрибасидаги муваффақиятлар ва омадсизликлар гувоҳномаси бўлиб, у Калом ҳақиқатлари ва баъзи амалий тавсияномалар билан бойитилган.
Мен отамни ҳаммасидан кўра кўпроқ у ўз ҳаётида енгиб ўтган қийинчиликлар ҳақида айтиб берган ростгўйлиги учун қадрлайман. Бу китоб саҳифаларида, у ҳар доимгидек, ўзига содиқ қолган. Гарчи бир неча бор унинг оилани бузган пиёниста ота ва болалик йилларида дуч келган жинсий зўравонлик ҳақидаги ҳикояларини эшитган бўлсамда, шунга қарамай менинг отам болалигида қандай азобларга учраганини яқинда бўлиб ўтган оилавий тантаналардан бирида фаҳмлай бошладим. Онам болалигидаги кулгили воқеаларни бизга айтиб берарди, менинг синглим эса отамдан унинг болалигидаги бирорта кулгили воқеани айтиб беришини илтимос қилиб қолди. Бир оз чўзилиб кетган сукут сақлашдан сўнг, у шундай деди: «Назаримда, менинг бирорта ҳам қувончли болалик хотирам йўқ». Негадир бу сўзлар менинг қалбимни ҳамма нарсадан кўра кўпроқ яралади.
Отам бирорта ҳам оилавий бахтли воқеани эслай олмади.
Мен ғамга ботдим.
Барибир отамнинг қувончсиз болалиги унга ўнлаб йиллардан сўнг ўзининг севимли оиласи бағрида ўтиришига халақит қила олмади.
У қандай қилиб бунга эришди?
Агар сизни шу саволга жавоб қизиқтирса, бу китоб сиз учун. Ҳар ҳолда, у Худо ҳатто тубигача бузилган, ўта иши ўнгмаган оилаларни ҳам тиклаш қудратига эга эканлигидан далолат беради. Сиз доимий тўйиб ухламаслик туфайли ишда ухлаб қолмасликка уринаётган ёш ота ёки кўп йиллик ота–она қарама–қарши фикрларида чиниққан, кўпни кўрган ота бўлсангиз ҳам, “Отанинг 10 мажбурияти” китобидан сиз кўплаб умид берувчи ва шунчаки фойдали маслаҳатларни топасиз. Сизга ёқимли мутолаа тилайман!
Шон Макдауэлл.
Книга на Узбекском языке: 10 Обязательств отца (Джош Макдауэлл)
Если вы отец — молодой, старающийся не заснуть на работе из-за хронического недосыпания, или бывалый, закаленный многолетними родительскими коллизиями, — эта книга для вас! Книга знаменитого американского проповедника Джоша Макдауэлла рассказывает о тех обязательствах, которые автор взял на себя перед Богом, своей семьей и самим собой ради того, чтобы воспитать в своих детях почтение к Господу и родителям. Практические рекомендации, которые автор дает на основе личного опыта и библейской мудрости, будут полезны и молодым, и бывалым отцам, желающим сделать свое влияние на детей глубоким и благотворным. В конце нее читателей ждет бонус: тест на определение основных эмоциональных потребностей.