Сторми Омартиан. Ота-Она ибодатининг кучи (5-БОБ) Китоб Ўзбек тилида
МУНДАРИЖА
Сўз боши
Миннатдорчилик
1-БОБ
Ўз фарзанди учун ибодат қилишга қандай ўрганиш мумкин?
2-БОБ
Фарзандни қандай қилиб Раббийнинг қўлига топшириш керак
3-БОБ
Қандай қилиб фарзандни зулмдан ҳимоя қилиш керак
4-БОБ
Фарзандингизни севишингизни унга қандай намоён қилишингиз керак
5-БОБ
Абадий келажакка бўлган ишончга қандай эришиш мумкин
6-БОБ
Фарзандга ота-онани ҳурмат қилишни қандай ўргатиш керак. Боланинг итоатсизликларига қандай қилиб қарши туриш мумкин
7-БОБ
Қандай қилиб қариндошлар билан яхши муносабатларни сақлаб қолиш мумкин
8-БОБ
Фарзандга имонли дўстларни топишда қандай ёрдам бериш керак
9-БОБ
Фарзандга бутун вужуди билан Раббийни топишни қандай ўргатиш керак
10-БОБ
Фарзандга ҳаётда ўз ўрнини топишига қандай ёрдам бериш керак?
11-БОБ
Фарзанд ёлғонни инкор этиб, ҳақиқат ортидан боришига қандай қилиб ўргатиш мумкин
12-БОБ
Фарзанднинг соғлиғи ва шифо топиши учун қандай ибодат қилиш керак
13-БОБ
Фарзанд ўз танасини парвариш қилишини қандай ўргатиш керак
14-БОБ
Қандай қилиб фарзандингизда Раббийга интилиш, Уни эътироф этиш истагини уйғотиш мумкин
15-БОБ
Фарзанддаги қобилият ва истеъдод — Худонинг инъоми эканлигини қандай билиб олиш мумкин
16-БОБ
Фарзандга ҳаёт каломини айтишни ўргатиш
17-БОБ
Фарзандда олийжанобликка интилишни уйғотиш
18-БОБ
Фарзандлар хонасини ҳимоя қилиш
19-БОБ
Фарзанд қўрқувдан халос бўлиши учун ёрдам бериш
20-БОБ
Фарзандга соғлом фикрлаш қобилиятини қандай сингдириш мумкин
21-БОБ
Фарзандга қандай қилиб Раббийдан қувонч топишни ўргатиш керак
22-БОБ
Ўтмиш лаънатларини қандай йўқ қилиш мумкин
23-БОБ
Спиртли ичимликларга, гиёҳванд моддаларга ва бошқа зарарли иллатларга тобеликка қандай қарши туриш керак
24-БОБ
Фарзандга ахлоқий софликни қадрлашни ўргатиш
25-БОБ
Фарзанд Худо тақдирига ёзган жуфти ҳалолини топишига қандай ёрдам бериш керак
26-БОБ
Фарзандга кечиришни қандай ўргатиш керак
27-БОБ
Фарзанд қандай қилиб тавба қилиш зарурлигини англашига ёрдам бериш
28-БОБ
Қандай қилиб душман истеҳкомларини забт қилиш мумкин
29-БОБ
Фарзанд ақлли бўлишига қандай ёрдам бериш керак
30-БОБ
Фарзанд ишончи кўпайишига қандай ёрдам бериш керак
Илова
Бошқа ота-оналар билан бирга фарзандингиз учун ибодат қилинг
Ибодат
Эй, Раббий, Сенга илтижо қиламан: менинг қизимга (ўғлимга) Сени билишларига ёрдам бер. Унинг юрагини оч, уларга Сен ҳақингдаги ҳақиқатни тўла тушунишларига ёрдам бер. Раббий, Сен Ўз Каломингда шундай дединг: «Агар сен Исони Раббим деб, оғзинг билан очиқ иқрор этсанг ва Худо Уни тирилтирганига чин юракдан ишонсанг, нажот топасан» (Рим. 10:9). Менинг фарзандим Сени ўзининг Нажоткори деб айта олишига, Муқаддас Руҳга тўлишига, ўз ҳаётининг барча соҳаларида Сенинг амрингни эътироф этишига, унда доимо Сенинг йўлларингни танлаш ва улардан юриш истаги бўлишига имкон берувчи ишончга эга бўлишини мен хоҳлайман. Менинг ўғлим (қизим) ҳозиргидек абадий ва тўкин-сочин ҳаётга эга бўлиши учун Исо Ўз ҳаётини қурбон қилганига чин дилдан ишонишига ёрдам бер. Фарзандимни айбдорлик ҳисси доимий тарк этиши учун Сен унинг барча гуноҳларини кечирганингга ишонишига ёрдам бер. У доимо эзгулик келтиришига, Сенинг иродангни билиш учун Сенинг назарингда доимо ўсиб боришига, ҳамма нарсада Сенга ёқмоқ учун Сенинг қаршингда покиза бўлиб юришига ёрдам бер. Сен Ўз Каломингда Ўзингнинг Руҳингни менинг авлодимга берганингни айтгансан (қаранг: Ишаё 44:3). Мен Сендан илтимос қиламан: Сенинг Муқаддас Руҳингни менинг фарзандим (болангизнинг исми)га шу бугуннинг ўзидаёқ ёғдир.
Раббий, Сен менинг фарзандимнинг абадий келажаги ҳақида мендан кўпроқ қайғурасан, бунинг учун мен Сенга шукроналар айтаман. Исо номи билан Сенга илтижо қиламан: менинг фарзандим (болангизнинг исми) ҳеч қачон Сендан шубҳаланмасин, Сен кўрсатган йўллардан адашмай тўғри борсин.
5-БОБ
Абадий келажакка бўлган ишончга қандай эришиш мумкин
Энг аввало биз болаларимиз Исони ўзларининг Нажоткори, деб тан олишларини хоҳлаймиз. Ахир, шунда биз уларга абадий ҳаёт кафолатланганлигига, ўлганимиздан сўнг биз улар билан Самовий Шоҳликда учрашишимизга ишонч ҳосил қилишимиз мумкин. Қандай ажойиб умид!
Дебби Бун ва унинг эри Табри: «Фарзандларимиз ҳаётлари учун илтимос қиламиз» номли ибодат йиғилишларида қатнашардилар. Улар мендан Деббининг альбомларидан бири учун қўшиқ ёзиб беришимни илтимос қилишди. Дебби бу қўшиқ орқали фарзандларига ўзларининг энг сир тутилган туйғуларини очиб бермоқчи эди. Мен қўшиқнинг матнини ёздим, қўшиқни «Ҳамма нарсадан муҳим» деб атадим. Турмуш ўртоғим эса бу матнга мусиқа ёзди. Дебби бу қўшиқни ёзиб олди, энди турмуш ўртоғим ўз концертларида бу қўшиқни ижро қилмоқда. Бу қўшиқнинг сўзлари ҳар бир художўй ота-онанинг фикрларини аниқ ва равшан ифодалаб беради, деган умиддаман. Қўшиқнинг матни қуйидагича:
Кўп нарса айтиш керак, лек ҳаёт қисқа,
Вақт қанчалар тез учиб ўтади!
Гар менинг қўлимдан келганда эди, ҳаёт бўронларидан сени ҳимоялаб,
Мен бағримда асрардим сени.
Болам, мен сен билан бирга бўлолмасман доим,
Аммо мен сенга бир нечта сўз айта оламан.
Ҳеч қандай умид қолмаган пайтда, бу сўзлар яшайди тоабад.
Энг аввало, эслаб қол: Ўша Раббийдир,
Сени ҳеч қачон тарк этмас асло.
Унга боқ, чунки У ҳаммадан устун.
Сени асрагувчи, ҳақиқий севги.
У сен ҳақингда қайғурган юрак.
Гар адашсанг зимистон тунларда ёлғиз,
У доим сен билан бирга бўладур.
У сенинг Абадий Отангдир, Отанг
Ўз қўлидан сени тушурмас зинҳор.
У Ўшадир, бутун дунёга Ҳукмдор;
Чунки У ҳаммадан доим устундир.
У — шодлик Булоғи, ҳам Юпатгувчи.
У — Ўшадир,тиз чўкиб қўрққин сен Ундан,
Зеро У ҳаммадан улуғдир, улуғ.
Туғилишинг биланоқ сенга аталган,
У барча шоҳликлар Ҳукмдоридир.
У сендаги мағлуб юракни кутар.
Чунки У учун бу ҳамма нарсадан улуғ.
Кўп айтиш даркору аммо вақт қисқа,
Сен фақат Уни сев, зеро У ҳаммадан устун.
Бизнинг фарзандларимиз беш ёшга қирганларида, Исони ўзларининг ҳаётларига таклиф қилишга қарор қилишди. Биз уларга Раббий ҳақида сўзлаб берардик, овоз чиқариб Муқаддас Китобдан оятлар ўқирдик, ҳар куни улар билан бирга ибодат қилардик, уларни Худонинг кетидан боришга ўргатадиган жамоатга мунтазам олиб борардик. Кристофер ва Аманданинг юраклари Исони қабул қилишга аллақачон очиқ эди, аммо биз ҳеч қачон уларни бунга мажбурламадик. Унинг ўрнига биз Худонинг Каломи уларнинг юракларига жо бўлишини, уларда Худо билан мулоқотга кириш хоҳишини уйғотишга интилардик. Биз бу қарорни болаларимизнинг ўзлари бировнинг зўрлашисиз қабул қилишларини истардик. Ниҳоят, шундай пайт келганда Кристофер ва Аманда Исо ҳақида бизга саволлар бера бошладилар. Натижадаулар Исони ўзларининг Нажоткори деб тан олишлари учун, биз ибодат қилишимизни сўрадилар. Биз, ота-оналар, келажакда бизнинг ўғлимиз ва қизимиз нажот топди, деган фикрдан қалбимиз шодликка тўлди.
Фарзандларимиз неча ёшда эканлиги аҳамиятга эга эмас, чунки уларнинг нажот топиши учун ибодат қилишга ҳеч қачон эрта ҳам эмас, кеч ҳам эмас. Исо шундай дейди: «Сенга ростини айтай: агар ким юқоридан (ёки янгидан) туғилмаса, Худо салтанатини кўролмайди» (Юҳ. 3:3). У яна шундай деган: «Мен эшик олдида туриб тақиллатяпман: кимда ким Менинг овозимни эшитиб эшигини очса, унинг олдига кириб у билан тунайман, у доимо Мен билан бирга бўлади» (Ваҳий 3:30). Болаларимиз Исога ўз юраклари эшигини очишларини ва уларнинг бу ҳаётда ва ундан кейингисида ҳам Раббий Шоҳлигига киришларини биз хоҳлаймиз. Билингларки, агар сиз ўз болаларингизнинг абадий келажаги учун ибодат қилмасангиз, у ҳеч қачон келмаслиги мумкин.
Фарзандларимиз Раббийга ишонганларидан сўнг, ота-оналар улар билан Худо ўртасида лойиқ муносабатлар ўрнатилиши учун ибодат қилишлари керак. Ёшлигида Парвардигор билан бирга бўлиб, кейинчалик ўсмирлик пайтида ёки қатта бўлганларида Ундан юз ўгирганлар ҳақида биз жуда кўп маротаба эшитганмиз. Болаларимиз учун: «Худодан шуни сўраймизки, Унинг иродасини тўла англашлари учун Ўзи уларга ҳар қандай илоҳий ҳикмат ва фаҳм-идрок ато қилсин» ва «ҳар турли хайрли ишда самарали бўлишларини, Худони таниб-билиб улғайишларини» (Кол. 1:9-10) биз ниҳоятда хоҳлаймиз. Павлус билан Тимотий Колоссадаги Раббийнинг болалари учун шундай ибодат қилдилар. Биз ҳам худди шу сингари ўзимизнинг фарзандларимиз учун ибодат қилишимиз керак. Раббийнинг ҳаёти ҳар биримиз учун чашмадир. Шу булоқданбиз ҳар доим ўзимизнинг бир қисмимиз бўлиши керак бўлган қандайдир янгилик олишимиз мумкин. Биз доимо Худодан Унинг Муқаддас Руҳи бизнинг фарзандларимизга ёғилишини сўрашимиз керак.
Книга на Узбекском языке: - Сила родительской молитвы (Сторми Омартиан)
Аннотация к книге "Сила родительской молитвы"
Как все родители, вы желаете, чтобы ваши дети были счастливы. Благодаря молитве это желание может осуществиться. Обратившись за помощью к Богу, вы сможете изменить жизнь своего ребенка в лучшую сторону. Автор этой книги, основываясь на личном опыте и приводя примеры из жизни других людей, показывает, что горячая и искренняя родительская молитва способна защитить детей от зла и сохранить их на пути истины.
