Kitob O'zbek tilida (Audiokitob) - Josh va Dotti Makdauell. O‘Smir Bilan Ochiq Suhbat.
9 bob - Jinsiy aloqa haqidagi suhbatlar bolani bu borada tajriba qilib ko‘rishga undamaydimi?
Shundan ehtiyot bo‘lish mutlaqo tabiiyki, bola jinsiy aloqa haqida o‘tkazilgan suhbatdan so‘ng hirsiy mayl uni tajriba qilib ko‘rishga undaydi. Biroq tadqiqotlar va bizning shaxsiy tajribamiz buning aksini ko‘rsatmoqda.
Yaqinda o‘tkazilgan so‘rovlarga ko‘ra, “jinsiy aloqa haqida yaxshi xabardor va o‘z ota-onasi bilan bu haqda bemalol gaplashadigan o‘smirlar jinsiy munosabatga shoshqaloqlik bilan yaqinlashmaslikka ko‘proq moyildir”1. “The Journal of Adolescence” bu fikrlarni davom ettiradi: “Qaysiki o‘smirlarga ota-onalari jinsiy aloqa borasidagi chegaralar va qoidalarni muhokamadan o‘tkazib bergan bo‘lsalar, ular ota-onalari bunday yo‘l tutmagan tengdoshlariga nisbatan o‘zlarini tiyishga ko‘proq moyildirlar”2.
Ko‘plab ota-onalar jinsiy aloqa haqidagi suhbatlar bolani bunga rag‘batlantiradi deya hisoblashadi, biroq “bolangiz sizning nazaringizda “tayyor” bo‘lib qolgandek tuyulmagunicha ma’lumotlarni berkitib tursangiz, u sizdan ko‘ra bu haqda kamroq biladigan yoki boshqacha fikrlaydigan chetdagi odamlarga murojaat qilib mustaqil tarzda ko‘proq bilish va haqiqat o‘rnida noto‘g‘ri ma’lumotlar olish ehtimolini ko‘paytirgan bo‘lasiz”3.
“The Journal of Adolescence” tashkiloti o‘tkazgan tadqiqotlarga ko‘ra, “ota-onalar jinsiy aloqa haqida haqiqatni gapirganlarida, bolalar...
• o‘smirlik yoshida jinsiy aloqalarga kirishishga kamroq moyillik bildirishadi.
• o‘smirlik yoshida homilador yoki barvaqt ota bo‘lish holatlari kamroq yuz beradi.
• ota-onalari bilan o‘z hayotlaridagi boshqa muhim muammolarni ko‘proq muhokama etishadi”4.
Bolangiz bilan hamisha halol, g‘amxo‘r va ochiq bo‘lishga, shuningdek, jinsiy mayl kabi Xudoning bunday ajoyib in’omi haqida gaplashib olishga imkon qadar barvaqt qaror qabul qiling. Bu bilan siz uni buzuq jinsiy aloqa qilishga rag‘batlantirmaysiz - siz bunga qarshilik qilasiz.
Книга на узбекском языке - Прямой разговор с подроском. Дотти и Джош Макдауэлл.
