Сторми Омартиан. Ибодатгўй Аелнинг Қудрати (9 боб) Ўзбек тилида
МУНДАРИЖА
Ибодатнинг кучи
1 боб - Сиз Турмушга Чиќдингиз
2 боб - Унинг Ишлари
3 боб - Унинг Моддий Маблаѓлари
4 боб - Унинг Интим Хаёти
5 боб - Унинг Мехрибонлиги
6 боб - Унинг Васвасалари
7 боб - Унинг Шубхалари
8 боб - Унинг Ќўрќуви
9 боб - Унинг Маќсадлари
10 боб - Унинг Ќарорлари
11 боб - Унинг Соѓлиѓи
12 боб - Унинг Химояси
13 боб - Худонинг Синовлари
14 боб - Унинг Ахлоќий Принциплари
15 боб - Унинг Обрўйи
16 боб - Унинг Устиворликлари
17 боб - Унинг Ўзаро Муносабатлари
18 боб - Унинг Оталик Бурчи
19 боб - Унинг Ўтмиши
20 боб - Унинг Феъл-Атвори
21 боб - Унинг Оиласи
22 боб - Унинг Хиссиётлари
23 боб - Унинг Юриш-Туриши
24 боб - Унинг Гап - Сўзлари
25 боб - Унинг Тавба-Тазарруси
26 боб - Унинг Халос Бўлиши
27 боб - Унинг Итоаткорлиги
28 боб - Унинг Ўзи Тўѓрисидаги Фикри
29 боб - Унинг Ишончи
30 боб - Унинг Келажаги
9-БОБ УНИНГ МАҚСАДЛАРИ
Ҳар биримизнинг мақсадимиз бор. Биз шу мақсад учун яшаймиз. Бу бизнинг вазифамиз, бурчимиздир. Умуман, биз Худони шарафлаш ва Унинг хоҳиш-иродасини бажариш учун яшаймиз. Ҳаётимизда биз бу мақсадни қандай амалга оширамиз — ҳар биримизнинг шахсий ишимиздир. Эрингиз бу оламда яшашдан мақсадини билиши, унинг ҳаёти тасодиф эмас, балки ер юзида маълум ният билан яшаётганини тушуниши лозим. У маълум мақсад билан яратилганига ишонч ҳосил қилиши керак. Агар у ўз вазифасини тушунса ва ўзи даъват қилинган нарса билан машғул бўлса, керакли одам бўлади, шунда мукаммал ҳаётнинг барҳаёт манбаини топади. Бу сизни ҳам бахтиёр қилади.
Оила қурганимиздан буён ўтган чорак аср давомида мен ўрганган асосий ҳақиқатдан бири шундан иборатки, хотин эрига тазйиқ ўтказмаслиги, фалончи бўл, мана бундай бўл, деб мажбур килмаслиги керак экан. Фақат ўшандай бўлиши учун ибодат қилиши лозим. Худо ундан Ўз хоҳишига кўра маъқул, ҳеч кимники бўлмаган нарсани ясаши учун ибодат қилишга хотинининг қурби етади. Эр фақат унга боғлиқ бўлиб қоладими? Худога ўз қалбини очишга рози бўладими, ўзига қаратилган самовий даъватни эшитадими? Худо «бизни муқаддас бир даъват билан чақирганини, бунга биз савоб ишларимиз туфайли эришмаганимизни, аксинча, Худо Ўз хоҳиши билан азалий вақтларданоқ Исо Масиҳ орқали бизга иноят қилишга қарор қилган» (2 Тим.1:9) овозни эшитадиган бўладими? «Худо... биз учун ҳам Ўзининг орзу-ниятини амалга ошириб, бизни Масиҳ орқали азалдан танлади ва самовий меросдан баҳраманд қилди» (Эфес. 1:11), шунинг учун Эрингиз Масиҳдаги меросхўрдир. Аммо эрингиз Худонинг бу даъватини эшитиши учун, ўзининг ҳамма ишларини Худонинг ниятларига мувофиқ бажариши учун ибодат қилгани сиз даъват этилгансиз.
Агар одам Худонинг амрларига мувофиқ яшамаса, унинг безовталигини сезасиз. Гарчи нималигини аниқ айта олмасангиз ҳам, унга нимадир бўлганини ҳис қиласиз. Агар ўз вазифасини бажарадиган одам ёнингизда бўлса, сиз у одамнинг ички ишончини ва қатъийлигини, ўзининг нимага даъват этилганини чуқур тушунишини кўрасиз. Хўш, сизнинг эрингиз қандай яшаяпти? Унинг ҳаётда бемақсад, маъюс тентираб юргани сизни безовта қиляптими? Агар шундай бўлса, «Эй Худойим, эримни бу ҳолатдан олиб чиқ, унга Ўз ниятингни аён қил, янги истиқболни кўрсат», деб ибодат қилинг.
Эрингизнинг ҳаётий шароити дарров ўзгаришига бу ибодат кафолат бермайди. Бу юз бериши мумкин бўлган ҳолат, аммо кўпинча бошқа нарса юз беради — унинг мақсади ўзгаради. Менинг Довуд деган дўстим бор. У анча йилдан бери самолётсозлик заводида ишлайди. У Худонинг овозини эшитиб, Унинг ўзига қаратилган даъватини — кам таъминланган оилаларнинг яшаш шароити оғир болаларига ёрдам беришни англади. Шу билан бирга, ўз ишини ташлаши керак эмаслигини ҳам тушунди. Оилани таъминлаш учун маоши етарли эди. Янги иш учун зарур бўлган вақт унинг ихтиёрида қолди. Довуд бундай оилалар учун овқат тарқатиш, ижтимоий таъминланмаган ўсмирлар учун бепул концертлар, нажот топмаганлар учун масиҳийлар вазифасини ташкил қилди, ҳатто ўзаро рақобатлашаётган гуруҳлар ўртасида музокаралар олиб борди. Ғазабдан алангаланаётган бу шаҳарда тинчлик барпо қилиш учун у барча имкониятларини ишга солди. Бу жуда машаққатли иш, аммо бу иш Довуднинг ҳаётини мазмунли қилади. У нима учун яшаётганини билади, шаҳар аҳли билан бирга ёнма-ён яшаб эса, сезмаслиги мумкин эмас. Ташқи кўринишидан у оддий, асло бақувват одам эмас, аммо руҳан қудратлидир, унда Муқаддас Руҳ қудрати бор. Довуднинг хотини Прицилла унинг нима учун даъват қилинганини билади, шунинг учун қўлидан келганича ёрдам беради.
Худо эрингиз учун қандай вазифа тайёрламасин, У ҳаётингизнинг мазмунини шунда кўради: сиз эрингизни қўллаб-қувватланг, унинг ишларида иштирок этинг, майли, ибодат билан бўладими, далда бериш ёки бошқа восита билан бўладими, барибир. Баъзи аёллар бу ёрдамни шинам оилани яратиш, бола тарбиялаш, эри учун доимо ибодат қилиш билан кўрсатади. Бошқа баъзи аёллар эрларининг бизнесида шерик ёки фаол ёрдамчи бўла оладилар. Ҳар қандай ҳолатда ҳам Худо ўзингизни шахс сифатида намоён қилиш имкониятингизни рад қилмайди. Худо эрингизнинг даъват қилингани билан тўлиқ уйғун бўлган ва унинг вазифасига тўсқинлик қилмайдиган шарт билан бу ишда сизга аниқ вазифа беради. Худо тартибсизликлар, чалкашликлар, зиддиятлар ва сиз учун кўнгилсиз ҳолатларни яратиши мумкин эмас. У вақт меъёрларини яратган Худодир. Ҳар биримиз фақат Худо белгилаган вақтда бирор ишга даъват қилинишимиз мумкин.
Агар эрингиз Худо у учун қўйган мақсад сари бораётган бўлса, ишонч ҳосил қилаверинг: душман унинг онгига шубҳа уруғини ташлашни кечиктирмайди, айниқса, у келажакдаги муваффақиятларининг аниқ манзарасини кўз олдига келтира олмаса. Сизнинг ибодатларингиз эрингизга шубҳалар асирлигидан халос бўлишга, Худонинг овозини эшитишга ёрдам беради, Худонинг йўлида собит туришга ўргатади. Ибодатларингиз унинг ҳаётини мақсадга йўл қилади.
Ибодат
Эй Худойим, эрим (унинг исми) Сенинг даъватингни эшитсин, деб ибодат қиламан. У Масиҳдаги одам бўлиши учун ёрдам бер, унинг ҳаётидаги буюк мақсадни ўзига кўрсат. Унинг онги Сенинг даъватинг берадиган умидни тушуниши билан ёрисин (қаранг: Эфес.1:18).
Эй Худойим, Сен бизни даъват қилганингда, бизга куч-қудрат ато қиласан. Сен уни Ўзингнинг даъватингга лойиқ бўлиб яшашга, Ўзинг тайинлаган Худонинг одами бўлишига ўргат. Унга доимо бу даъват тўғрисида эслатиб тур, Сен қўйган мақсаддан бўйин товлашига йўл қўйма. Беҳуда ишларга майл пайдо қилиши учун имкон берма. Шубҳалар уни қул қилиб олмаслиги учун, ҳар қандай шубҳани йўқ қил. Унинг кўзлари вазиятдан юқорига қарасин, Сен у учун қўйган мақсадни кўрсин. У Сен тайинлаган вақтни кутиши учун сабр-тоқат бергин. Унинг юрагидаги хоҳиши Сенинг хоҳиш-иродангдан ҳеч қачон фарқ қилмасин, деб ибодат қиламан. У ҳар доим Сенинг раҳнамо бўлишингни истасин, унинг қалби Сенинг ҳар бир каломингни сезгирлик билан қабул қилсин.
Муқаддас Китобдан сизнинг ибодатларингизни таъсирчан қиладиган оятлар
Бутун инсонлар мен каби бўлишларини истар эдим. Лекин ҳар бир кишининг Худодан олган ўз қобилияти бор, бириники бу бўлса, бошқаники удир.
1 Кор. 7:7
Хуллас, ҳар бир кишига Раббимиз қандай тақдир ато этган бўлса, Худо уни қандай ҳолатда даъват этган бўлса, шундай турмуш кечирсин. Мен бутун Масиҳ жамоатларига шундай буюраман.
1 Кор. 7:17
Шу сабабдан биз тинмай сизлар учун ибодат қиламиз: Худойимиз сизларни Ўз даъватига лойиқ кўрсин, Ўзига хос куч-қудрат билан бутун яхши мурод-мақсадингизни рўёбга чиқарсин, ҳар бир имонли ишингизга омад берсин.
2 Сал. 1:11
Раббимиз Исо Масиҳнинг Худоси, улуғвор Падар, Ўзини таниб-билишингиз учун сизга ҳикмату ваҳий руҳини ато этсин. Унинг Ўзи сизларнинг кўнгил кўзларингизни ёруғ қилсин, токи У сизларни нақадар улуғ бир умидга чорлаганини билиб олинглар, Ўз азизларини қанчалик бой ва улуғвор бир меросга сазовор қилганини қадрланглар. Биз, имонлиларга таъсир ўтказаётган Худонинг ҳадсиз-поёнсиз куч-қудрати буюклигини ҳам билиб олинглар.
Эфес. 1:17-19
Сенга У кўнглинг истаганин инъом қилсин, ҳамма режаларингни рўёбга чиқарсин
Забур 19:5
Книга на узбекском языке: Сила молящейся жены (Сторми Омартиан)
Книга, которую вы держите сейчас в руках, расскажет вам о великой силе молитвы. Если ваш брак переживает трудные времена, возможно, вы найдете здесь советы, которые помогут вам по-новому взглянуть на сложившуюся ситуацию в вашей семье и подскажут верное решение ваших проблем. Вы узнаете, в чем состоит истинное призвание жены. Научитесь лучше понимать своего мужа. Сторми Омартиан на примерах из жизни показывает, насколько эффективной может быть ваша молитва. Ведь часто только она одна может все исправить.
