Сторми Омартиан. Ибодатгўй Аелнинг Қудрати (11 боб) Ўзбек тилида
МУНДАРИЖА
Ибодатнинг кучи
1 боб - Сиз Турмушга Чиќдингиз
2 боб - Унинг Ишлари
3 боб - Унинг Моддий Маблаѓлари
4 боб - Унинг Интим Хаёти
5 боб - Унинг Мехрибонлиги
6 боб - Унинг Васвасалари
7 боб - Унинг Шубхалари
8 боб - Унинг Ќўрќуви
9 боб - Унинг Маќсадлари
10 боб - Унинг Ќарорлари
11 боб - Унинг Соѓлиѓи
12 боб - Унинг Химояси
13 боб - Худонинг Синовлари
14 боб - Унинг Ахлоќий Принциплари
15 боб - Унинг Обрўйи
16 боб - Унинг Устиворликлари
17 боб - Унинг Ўзаро Муносабатлари
18 боб - Унинг Оталик Бурчи
19 боб - Унинг Ўтмиши
20 боб - Унинг Феъл-Атвори
21 боб - Унинг Оиласи
22 боб - Унинг Хиссиётлари
23 боб - Унинг Юриш-Туриши
24 боб - Унинг Гап - Сўзлари
25 боб - Унинг Тавба-Тазарруси
26 боб - Унинг Халос Бўлиши
27 боб - Унинг Итоаткорлиги
28 боб - Унинг Ўзи Тўѓрисидаги Фикри
29 боб - Унинг Ишончи
30 боб - Унинг Келажаги
11-БОБ УНИНГ СОҒЛИҒИ
Эрим йиллаб ўз соғлиғи тўғрисида қизиқмас эди. Бу мавзуда унга бир неча марта насиҳат қилганман, кўп марта суҳбатлар олиб борганман, кўзга ташланадиган жойда махсус журнал мақолаларини қолдирганман, «Бева қолишни истамайман», деб йиғлаб-ёлворганман. Аммо ҳаммаси беҳуда эди — унинг кўзлари мени кўрмас, қулоқлари гапларимни эшитмас эди. Аммо бир куни калламга ажойиб бир фикр келди: агар ибодат унинг ҳаётининг бошқа томонларига таъсир этса, нимага бунда ҳам самара бермас экан?! Мен ўзимнинг одатдаги усулимни — «сукут сақлаш ва ибодат қилиш»ни қўллашга ва Худодан: «Майклда жисмоний машқлар билан шуғулланиш истагини уйғотгин», деб ибодат қилишга қарор қилдим. Ибодатларим бир неча ой натижа бермади, аммо бир куни эрталаб қўшни хонадан шовқин эшитдим. Ўша хонага қараб ҳайратдан қотиб қолдим: эрим тренажерда машқ қиларди. Мен ўшанда унга ҳеч нарса демадим. Ўшандан бошлаб у тренажерда шуғулланиб, ҳафтада уч марта гантел кўтарадиган бўлди. Кейинроқ у: «Ўзимни яхши ҳис қиляпман, буни илгари қилмаганимга афсусланяпман», деб айтганда, оғзимдан: «Сенга айтган эдим-ку», деган гап чиқиб кетишига оз қолди, аммо вақтида тилимни тишладим. Бу мўъжизани менинг ибодатларим пайдо қилганини Майкл бугунгача билмайди.
Эрнинг соғлиғига унинг ёши ва жисмоний ҳолатига боғлиқ бўлмаган, қандайдир ўз-ўзича бўладиган бир нарса деб қараш керак эмас. Эрингиз ўз тўғрисида ғамхўрлик қилишни ўрганиши учун ибодат қилинг, у касал бўлганда, унинг шифо топиши учун ибодат қилинг. Ҳаётимда шифо топиш тўғрисидаги ибодатларимга бир неча марта жавоб олганман, кўплаб бошқа одамларнинг шифо топганига гувоҳ бўлганман. Муқаддас Китоб саҳифаларида шифо берган Раббий кеча, бугун ва эртага ҳам бир хилдир, бунга менда ҳеч қандай шубҳа йўқ. «Мен сени шифоловчи Эгангман» (Чиқиш 15:26) деб айтган Худо айнан шуни назарда тутганига ишонаман. «Менга шифоб бер, эй Эгам, шунда мен шифо топаман» (Ерм. 17:14) деб айтган Ермиёнинг ишончига мен ҳам қўшиламан. Худойимнинг: «Мен сенинг яраларингга шифо бераман» (Ерм. 30:17) деган сўзларига ишонаман.
Исо «бизнинг хасталикларимизни кўтарди, дардларимизни ўзи чекди» (Матто 8:17). У Ўз шогирдларига «одамлардаги... ҳар қандай дарду иллатни соғайтириш учун қудрат ато этган эди» (Матто 10:1). У шундай деганди: «Имон келтирганларга... қуйидаги аломатлар ҳамроҳ бўлади... беморларга қўлларини қўйганларида, улар соғайиб кетадилар» (Марк 16:17–18). Менимча, Худо Ўзининг меҳрибонлиги билан бизга ҳар доим шифо беради. Шифо топишимизга ҳалақит берадиган биттаю битта нарса — шубхаларимиздир (қаранг: Матто 9:22).
Эрим: «Сенинг ибодатларинг кучини ўзимда 80-йилларнинг ўрталарида кўпроқ ёезган эдим», деб айтган эди. Бу пайтда врачлар унинг танасида бир нечта қаттиқ шишларни топган эдилар, врачларнинг фикрича, бу шишлар ёмон оқибатга олиб келиши мумкин эди. Текширув ишлари ўтказилди. Анализлар натижасини кутиш Майкл учун оғир синовга айланиб кетди, аммо менинг ибодатларим, унинг эътироф этишича, хавфли шиш бўлса керак, деган шубҳалар тасдиқланмаган пайтга қадар унга куч бағишлади. Ўша қаттиқ шишларни врачлар олиб ташладилар, ўшандан буён бу муаммо қайталанмади.
Шуни ёдда тутиш керакки, бизнинг ибодатларимиз ва ишончимизга қарамай, шифо беришнинг натижаси ва вақти Худонинг ҳукмронлиги остидадир. «Шифолашнинг вақти бор» (Воиз 3:3) деб айтилган. Агар ибодат қилсангизу аммо ҳеч нарса ўзгармаса, ўзингизни койиманг, чунки баъзан Худо, инсон менга итоат этсин, деб мажбурлаш учун одамнинг жисмоний хасталигидан фойдаланади. Ибодат қилишда давом этинг, аммо шуни ёдингизда тутингки, охирги сўзни айтишга Худонинг ҳақи бор.
Кимнингдир ҳаётини қутқариш тўгрисида ибодат қилганимизда ҳам шундай ҳодиса юз беради, чунки одамнинг ер юзига келиш вақтини биз белгиламаймиз. Муқаддас Китоб: «Ўлишнинг ҳам ўз вақти бор» (Воиз 3:2) деб айтади. Бу пайтнинг қачон келишини биз эмас, Худо ҳал қилади. Биз фақат бўйсунишимиз керак, холос. Биз ибодат қиламиз, Худо қарор қилади. Биз бу имтиёзни сўзсиз эътироф этишимиз лозим. Эрингизнинг соғлиғи учун ибодат қилинг, аммо бу ишнинг натижаси учун Худо қарор қилади.
Ибодат
Эй Худойим, Сенга ибодат қиламан: Ўзингнинг шифоловчи қўлларингни эрим (исмини айтинг)га қўй. Сенинг ниятингга мувофиқ, унинг ҳамма аъзолари соғлом бўлсин. Хато бўлган ҳамма нарсаларни тиклагин, ундаги ҳар қандай хасталикка шифо бер, ҳар қандай иллатдан халос қил. Унинг соғлиғини шундай мустаҳкам қилгинки, у ўз ишини муваффақият билан бажара олсин; у яхши ухлаб, куч тўплаб уйғонсин. Унга соғлом, мустаҳкам юрак бергин.
Сенга ибодат қиламан: унда ҳар доим ўз танаси тўғрисида ғамхўрлик килиш истаги, тўғри овқатланиш, жисмоний машқлар билан муттасил шуғулланиш, зарарли нарсалардан қочиш хоҳиши бўлсин. Унинг танаси Худонинг маъбади эканини ва бу маъбадни у сақлашга мажбур эканини (қаранг: 1Кор.3:16) англашига ёрдам бер. У ўз танасини Сенга тирик, муқаддас ва маъқул назр қилиб топширсин, деб ибодат қиламан.
У хаста бўлганда, уни қўллаб-қувватлаб, шифо беришингни сўрайман. Уни Ўзингнинг шодлигинг билан тўлдир, унга куч бер. Айниқса (муаммонинг номини айтинг) учун ибодат қиламан. У Сенга ишониб: «Эй Худойим, ёлворганимда, Сен шифо бердинг» (Забур 29:3), деб айта олсин. Эй Ота, Сенга шукр айтаман, чунки Сен менинг шифокоримсан. Эрим узоқ яшаб, соғлом умр кечирсин. Унинг умри тугаётганда, унинг вужуди хотиржам бўлсин, енгил, ҳеч қандай қийинчиликсиз жон берсин. Уни Ўз маконингга қабул қиладиган бўлганинг учун Сенга шукр айтаман, Худойим. Аммо бу Сен белгилаган соатда юз берсин, бир дақиқа ҳам олдин юз бермасин.
Муқаддас Китобдан сизнинг ибодатларингизни таъсирчан қиладиган оятлар
Мадҳ қил, эй, жоним, Эгамизни, Унутма Унинг ҳамма яхши ишларини. Ҳамма гуноҳларимни У унутар, Барча хасталикларимга У шифо берар.
Забур 102:2–3
Эгамга сажда қилдилар кулфатда қолганларида, Эгам қутқарди уларни азоб-уқубатлардан. Каломини юбориб, уларга шифо берди, Қирилиб кетишдан уларни сақлаб қолди.
Забур 106:19–20
Орқангга қайтиб бориб, халқимнинг ҳукмдори Ҳизқиёга шу хабарни етказ: — Бобонг Довуднинг Худоси — Эгамиз шундай айтмоқда: илтижоларингни эшитдим, кўз ёшларингни кўрдим. Сенга соғлигингни қайтараман. Учинчи куни Эгамизнинг уйига чиқасан.
4 Шоҳ. 20:5
Нурларинг тонг каби намоён бўлганда, шифолашинг тез ўсади, ҳақиқатинг олдингда боради, Худонинг шуҳрати сенга ҳамроҳ бўлади.
Ишаё 58:8
Аммо бу шаҳарга яна шифо бериб, уни соғайтираман, аҳолисини сиҳат-саломатлигу тўкин-сочинликдан баҳраманд қиламан, улар хавф-хатарсиз яшайдилар.
Ерм. 33:6
Книга на узбекском языке: Сила молящейся жены (Сторми Омартиан)
Книга, которую вы держите сейчас в руках, расскажет вам о великой силе молитвы. Если ваш брак переживает трудные времена, возможно, вы найдете здесь советы, которые помогут вам по-новому взглянуть на сложившуюся ситуацию в вашей семье и подскажут верное решение ваших проблем. Вы узнаете, в чем состоит истинное призвание жены. Научитесь лучше понимать своего мужа. Сторми Омартиан на примерах из жизни показывает, насколько эффективной может быть ваша молитва. Ведь часто только она одна может все исправить.
