Сторми Омартиан. Ибодатгўй Аелнинг Қудрати (16 боб) Ўзбек тилида
МУНДАРИЖА
Ибодатнинг кучи
1 боб - Сиз Турмушга Чиќдингиз
2 боб - Унинг Ишлари
3 боб - Унинг Моддий Маблаѓлари
4 боб - Унинг Интим Хаёти
5 боб - Унинг Мехрибонлиги
6 боб - Унинг Васвасалари
7 боб - Унинг Шубхалари
8 боб - Унинг Ќўрќуви
9 боб - Унинг Маќсадлари
10 боб - Унинг Ќарорлари
11 боб - Унинг Соѓлиѓи
12 боб - Унинг Химояси
13 боб - Худонинг Синовлари
14 боб - Унинг Ахлоќий Принциплари
15 боб - Унинг Обрўйи
16 боб - Унинг Устиворликлари
17 боб - Унинг Ўзаро Муносабатлари
18 боб - Унинг Оталик Бурчи
19 боб - Унинг Ўтмиши
20 боб - Унинг Феъл-Атвори
21 боб - Унинг Оиласи
22 боб - Унинг Хиссиётлари
23 боб - Унинг Юриш-Туриши
24 боб - Унинг Гап - Сўзлари
25 боб - Унинг Тавба-Тазарруси
26 боб - Унинг Халос Бўлиши
27 боб - Унинг Итоаткорлиги
28 боб - Унинг Ўзи Тўѓрисидаги Фикри
29 боб - Унинг Ишончи
30 боб - Унинг Келажаги
16-БОБ УНИНГ УСТИВОРЛИКЛАРИ
Эркаклар ўз ҳаётида нимани биринчи ўринга қўйишлари кераклиги тўғрисида аниқ тасаввурга эга эмаслар. Аммо ҳар бир аёл ўз эрининг қадриятлари рўйхати бошида Худодан кейин ўзи туришни истайди. Аммо мен шуни тушундимки, шунга ўхшаш нарсани орзу қиладиган хотинлар учун биринчи ўринда Худо ва умр йўлдоши керак. Бошқача айтганда, эрингиз сизни ҳамма нарсадан — ўз ишидан, болалардан, дўстларидан ва бошқа ишлардан устун қўйсин, деб истасангиз, сиз ҳам унга нисбатан айнан шуларни қилишингиз лозим. Агар Худо билан умр йўлдошингиз сизнинг қадриятларингиз рўйхатида керакли ўринни эгалламаса, эрингиз Худо билан сизни ўз ҳаётида асосий қадрият деб ҳисоблаши даргумон.
Оилада ёш болалар туғилгандан кейин, устивор нарсаларнинг тўғри тартибига риоя қилиш анча мураъкаб. Ёш болалар доимо эътиборни талаб қилади, сиздан бошқа ҳеч ким улар тўғрисида ғамхўрлик қилмайди. Охири эр — катта одам ўзига ўзи ғамхўрлик қилишга мажбур. Агар болалар бўлмаса, сизнинг эътиборингизни тамомила чалғитадиган кўплаб нарсалар — иш, уй, дўстлар, режалар, қизиқишлар топилади. Бу ишлар орасида рўйхатнинг энг охирига ўз эрингизни қўймаслигингиз ёки ҳеч бўлмаганда эрингиз буни сезмаслиги учун имкон бермаслигингиз қанчалик мураккаб.
Бахтимизга, «устивор» тушунчаси бунга кетган вақт миқдори билрн боғлиқ эмас. Агар эр ёки хотин ҳафтасига камида саккиз соатдан ибодат қилмаса, акс ҳолда иш ҳафтаси қирқ соат бўлган одам, Худо мен учун ишдан кейин иккинчи ўринда туради, деб билган бўларди. Бундан ташқари, эр билан болага бир хилда эътибор қаратиш қийин, бундай ҳолда биринчи ўринда бола турган бўларди. Эрга келсак, гап унга сиз неча соат эътибор беришингизда эмас, балки сиз эрингизни қадрлашингизни у ҳис қилишига имкон топяпсизми — ҳамма гап шунда.
Эрталаб эрингиз билан эркалаб саломлашганингиз, табаёсум ва меҳрибонлик билан оғушингизга олганингиз — сиз учун у қанчалик муҳимлигини айтиб туради. Сиз ундан: «Бугун сизга нима қилиб берай?» (албатта, бу илтимосни бажариш лозим) деб сўрашингиз мумкин. Сиз эрингиз учун ибодат қилаётганингизни унинг ўзи билаверсин. Яна, мен ибодат қилишим учун бирон истагингиз борми, деб қизиқиб ҳам кўринг. Кун давомида кўплаб ишларингиз орасида эрингиз билан мулоқот қилиб турганингизнинг ўзи сизнинг унга алоҳида эътибор қаратаётганингизга гувоҳ бўлади.
Устивор нарсаларни бшрин-кетин қўйиш — буларни кўнглингизда қандай жойлаштиришингизга боғлиқ. Вақтингизни шундай режалаштирингки, эрингиз иккаловингиз ёлғиз қолинглар: майли бу учрашув бўлсин, уйдан ташқарида тунни ўтказиш бўлсин, дўстларсиз ва болаларсиз уйда кечки овқат ёки оқшом зиёфати бўлсин. Ана шу омиллар орқали сизнинг қалбингизда эрингиз бош ўрин эгаллашига у ишонади. Агар эрингиз сизни кўпроқ севишини истасангиз, сиз ҳам уни қаттиқроқ севишингиз лозим. Агар бу тўғрида ибодат қилсангиз, дарров юз беради.
Аммо барибшр эрингизга етарли эътибор қаратишингизга ва хотин сифатидаги мажбуриятларингизни бажарашингизга вақтингиз, кучингиз етмаса, Худодан, Муқаддас Руҳ менинг истакларимни ижро этсин, деб сўранг, Худонинг раҳнамолигини изланг, ана шунда Худо ҳаётингиздаги устивор нарсаларни тартиб билан жойлаштиришга ёрдам беради. Агар кундалик режангизда Худодан куч олиш учун, У билан мулоқот кўзда тутилмаган бўлса, кун тартибингизни қараб чиқинг ва устивор нарсаларингиз тартибини ўзгартиринг, чунки сизнинг олдинги тартибингиз асло ярамайди.
Эрингиз шуғулланаётган ишда одамлар муваффақият чўққисига тезлик билан эришаётганини кузатишингиз мумкин. Аммо ўша одамларни бу ишда катта муваффақиятларга, катта ҳокимиятга, катта бойликка чанқоқлик руҳи кутиб туради. Агар у одамлар ўзларининг жони тўғрисида ғамхўрлик қилмасалар, агар улар ўзларининг такаббурликлари измида бўлсалар, улар муқаррар равишда ўзларига қўйилган тузоққа тушадилар, натижада Худодан, оиладан, жамоатдан, дўстлардан нафратланиб, буларнинг ҳаммасини тарк этадилар. Баланд парвоз қилган бу «юлдузлар» ерга қулаб тушадилар, уларнинг ерга қўниши асло юмшоқ бўлмайди. Сизнинг эрингиз билан бундай воқеа юз беришини асло истамаймиз. Эрингиз ҳар доим ўз ҳаётида биринчи ўринга — Худони, иккинчи ўринга — сизни, учинчи ўринга — болаларни қўйиши учун ибодат қилинг. Бундай ҳолатда эрингизнинг ҳаётида нима юз бермасин, унинг бошқа ҳамма устиворликлари тўғри тартиб асосида жой-жойига тушади. Тинчлик ва бахт-саодат сизнинг келажак ҳаётингиз учун кафил бўлади.
Ибодат
Эй Худойим, Сени ҳаётимнинг Эгаси деб эълон қиляпман. Биринчи навбатда Сени муносиб кўришим учун менга ёрдам бер. Эримни болаларимдан, ишимдан, оиламдан, дўстларимдан, менинг манфаатларимга мос ҳар хил ишлардан устун қўйишни менга ўргат, токи менинг унга бўлган муносабатимни ўзи сезсин, мен учун у аҳамиятли эканини билсин. Аммо бундан у шубҳалансин, майли, йўл қўйиб бер, Мен унга келтирган дардларга Ўзинг шифо бергин. Мен учун устивор бўлган нарсаларни жой-жойига қўйишимга ўргатгин, токи беҳуда, бемаъни ва ҳалокатга олиб борувчи нарсалар мендан узоқлашсин, менинг вақтимни олмасин.
Эримнинг ҳаётида устивор нарсаларнинг мукаммал тартиби учун ибодат қиламан. Сен эримнинг қалбида Хўжайин ва Ҳукмдор бўлгин. Унга вақтини шундай сарфлашга ўргатгинки, токи ҳар куни Сен билан ёлғиз мулоқот қила олсин, эй Худойим. Сен унга Ўзингнинг хоҳиш-иродангни намоён қилгин, токи Сенга хизмат қилиш унинг ҳаётида асосий ўрин тутсин. Унга донолик бер, токи у мени, болаларимизни ўз мансабидан, дўстларидан ва бошқа ишларидан устун қўйсин. У биринчи навбатда Сени изласин, Сенга итоат этсин, чунки ўшандагина унинг ҳаётида тартиб бўлади.
Муқаддас Китобдан сизнинг ибодатларингизни таъсирчан қиладиган оятлар
Сиз аввало Худонинг Шоҳлиги ва Унинг иродаси пайидан бўлинглар, шунда буларнинг ҳамьаси сизга қўшимча қилиб берилади.
Матто 6:33
Ҳар бир киши ўз манфаатинигина эмас, балки бошқаларнинг манфаатини ҳам кўзласин.
Флп. 2:4
Ҳеч ким икки хўжайинга хизмат қилолмайди. У ё бирини ёмон кўриб, бошқасини севади, ёки бирига ихлос қўйшб, бошқасини хорлайди. Сиз ҳам Худога, ҳам пулга бирдек сиғина олмайсизлар.
Матто 6:24
Яна Осмон Шоҳлиги нодир марварид излаётган бир савдогарга ўхшар. У қимматбаҳо марваридни топганда, бориб бор-йўғини сотиб, марваридни харид қилибди.
Матто 13:45–46
Йўқол кўзимдан, шайтон! Чунки Тавротда: «Эганг — Худовандга сажда қил, биргина Унга итоатда бўл», деб ёзилган, — деди.
Матто 4:10
Книга на узбекском языке: Сила молящейся жены (Сторми Омартиан)
Книга, которую вы держите сейчас в руках, расскажет вам о великой силе молитвы. Если ваш брак переживает трудные времена, возможно, вы найдете здесь советы, которые помогут вам по-новому взглянуть на сложившуюся ситуацию в вашей семье и подскажут верное решение ваших проблем. Вы узнаете, в чем состоит истинное призвание жены. Научитесь лучше понимать своего мужа. Сторми Омартиан на примерах из жизни показывает, насколько эффективной может быть ваша молитва. Ведь часто только она одна может все исправить.
